साहु–महाजनहरूले विभिन्न ६ बुँदे माग राख्दै मंगलबार काठमाडौंको माइतीघरमा प्रदर्शन तथा धर्ना दिएका छन्।
‘पीडित लगानीकर्ता लेनदेन संघर्ष समिति’को अगुवाइमा भएको प्रदर्शनमा मिटरब्याजपीडितसँग सरकारले गरेको ९ बुँदे सम्झौता खारेज गर्नुपर्ने, त्रिपक्षीय वार्ता गर्नुपर्ने, मन्त्रिपरिषद्को निर्णय खारेज गर्नुपर्ने, कानुनी राज्य बहाल गर्नुपर्ने तथा अदालतका फैसला कार्यान्वयन गर्नुपर्ने माग अघि सारिएको छ।
साहु र ऋणी दुवैलाई न्याय हुने कानुन निर्माण, वित्तीय अपराधमा संलग्नलाई कारबाही र गृहमन्त्रीको राजीनामालगायतका माग पनि उनीहरूले राखेका छन्।
माग पूरा नभएसम्म आन्दोलन जारी राख्ने प्रदर्शनकारीहरूको भनाइ छ।
