प्रतीक्षा खबर
सुर्खेत, वैशाख४ गते ।
सुर्खेतमा दुइ जना पुरुषमा कोरोना संक्रमणको पोजेटिभ रिर्पोट आएको छ । क्वारेन्टाइनमा रहेका दुबै जना युवकलाई पिसिआर मेसिनबाट स्वाव परिक्षण गर्दा पोजेटिभ रिपोर्ट आएको हो ।
सुर्खेतबाट संकलन गरिएको स्वाबलाई कैलाली धनगढिस्थित सेती प्रादेशिक अस्पतालको पीसीआर बिधिबाट परीक्षण गर्दा पोजिटिभ देखिएको हो।
‘थप परीक्षणका लागि उनीहरुको स्वाब काठमाडौं पठाइएको छ,’ सेती अञ्चल अस्पतालका एक चिकित्सकले भने। ‘दुवै नेपाली भारतबाट आएपछि सुर्खेतमा क्वारेन्टाइनमा राखिएको थियो।’
सो अस्पतालमा पीसीआर बिधिबाट नै गरिएको भए पनि थप पुष्टि गर्न काठमाडौंको राष्ट्रिय जनस्वास्थ्य प्रयोगशालामा थप परीक्षणका लागि पठाउने निर्णय गरिउको छ । केही बेरमै सो स्वाव परिक्षणकालागि काठमाडौँ पठाइने बताइएको छ ।
