धनुषाको जनकपुर धनुषाधाम सडकखण्डमा स्थानीयले चक्काजाम गरेका छन् । मिथिला बिहारी नगरपालिका ८ कचुरीमा स्थानीयले चक्काजाम गरेका हुन् ।
सडक जीर्ण भएर धुलो उडेको भन्दै स्थानीयले बिहीबार बिहानदेखि सडक अवरुद्ध गरेका छन् । धुलो नियन्त्रण गर्न दुई महिनादेखि मिथिला बिहारी नगरपालिकाका प्रमुख अनिल यादवलाई पटक -पटक गुनासो गर्दा समेत कुनै बास्ता नगरेको भन्दै सडक अवरुद्ध गरेर आन्दोलनमा उत्रिन बाध्य भएको स्थानीयले बताएका छन् ।
सडकमा उडेको धुलो र प्रदुषणले सर्वसाधारणलाई रुघाखोकी लाग्ने, बिरामी पर्ने गरेको स्थानीयको भनाइ छ । सडक विभागले समेत सडक मर्मत सम्भार र धुलो नियन्त्रण गर्न कुनै वास्ता नगरेको स्थानियले बताए।
