गोपाल झा
महोत्तरी फाल्गुन ११ गते
सुरक्षित आप्रवासन सामी कार्यक्रम महोत्तरीले शुक्रबार जिल्लाका पत्रकारहरुसँग अभिमूखिकरण कार्यक्रम सम्पन्न गरेको छ । स्वदेशमा नै रोजगारी गरौ, वैदेशिक रोजगारै जाने भए सहि सूचना र सिप सिकेर मात्र जाउँ’ भन्ने नाराका साथ काम गरिरहेको सुरक्षित आप्रवासन सामीले पत्रकारसँगको अभिमूखिकरण कार्यक्रम गरेको हो ।
कार्यक्रममा सामीका संयोजक राम भजन महतोले जिल्लामा सामी कार्यक्रले गरेको काम र कार्यक्रम मनोसामाजिक परामर्सकर्ता पुनम झाले कार्यक्रमको प्रभाव तथा काम बारे प्रस्तुती राखेका थिए ।
कार्यक्रममा संयोयक महतोले वैदेशिक रोजगारलाई सुरक्षित, भरपर्दो र मर्यादित बनाउनका लागि पत्रकारहरुको भूमिका महत्वपूणर् हुने भन्दै सामाजिक लागत घटाउने क्षेत्रमा कलम चलाउनुपर्नेमा जोड दिएका हुन् ।
सामी कार्यक्रम संचालन भएका पालिकाहरुमा विगतको तुलनामा सचेत भएको वहाँले दावी गरे । वैदेशिक रोजगारीमा गएकाहरुको परिवारमा वित्तीय साक्षरता कक्षा मार्फत रेमिट्यान्सको सही सदुपयोग गर्ने, व्यवसायिक योजना बनाएर आयमूलक क्षेत्रमा लगानी गर्ने र बचत गर्ने बानीको विकास भएको बिश्वास ब्यक्त गदै संयोयक महतो वैदेशिक रोजगारमा जानेहरुले समेत सीप सिकेर जान थालेको बताए । उनले वैदेशिक रोजगारीमा जानका लागि चालु आ ब मा महोत्तरी जिल्लाबाट ७ जनाले सीपमूलक तालिम लिएको जानकारी दिए ।
जिल्लाका २० भन्दा बढी क्रियाशील पत्रकारहरुको सहभागिता रहेको कार्यक्रममा सहभागी पत्रकारहरुले वैदेशिक रोजगारमा गएका परिवार र उनको सदस्यको विषयमा आफूहरु संवेदनशील भएर कलम चलाउने प्रतिवद्धता जनाएका थिए ।
नेपाल सरकार र स्वीस सरकारको दुई पक्षीय सम्झौतामा हेल्भेटास नेपालको प्राविधिक सहयोगमा महोत्तरीको १५ स्थानिय तह मध्ये ४ वटा जलेश्वर नगरपालीका ,बर्दीबास नगरपालीका , भंगहा नगरपालीका र गौशाला नगरपालीकामा सुरक्षित आप्रवासन (सामी) कार्यक्रम संचालन भईरहेको छ ।
