गोपाल झा
कार्तिक २५, गते
लागुऔषध नियन्त्रण , तस्करी रोकथाम तथा भन्सार छलीका बिषयमा लागी परेका महोत्तरी प्रहरीले आज सनीबार महोत्तरबिाट करीब तिन सय किलो लागु औषध गाँजा सहीत २ जनालाई पक्राउ गर्न सफल भएका छन् । महोत्तरीको दक्षिीण पश्चिममा पर्ने सम्सी गाँउपालीका ५ स्थित देवीस्थानबाट २ सय ९० किलो गाजासहित २ जनालाई महोत्तरी प्रहरीले आज पक्राउ गरेका छन् ।
सम्सीबाट जलेश्वरतर्फ गइरहेको ना ०५ ख.९७११ नम्बरको ट्रकमा चालकको सिट पछाडि रहेको फल्स बटनमा लुकाईछिपाई राखिएको १९ पोका गाजा नियन्त्रणमा लिएको महोत्तरीका प्रहरी नायब उपरीक्षक दिलीपकुमार गिरिले बताएका हुन् ।
गाजा लिएर हिँडेको ट्रकसहित चालक मकवानपुर बकैया घर भएका २५ वर्षका लिलाबहादुर थिङ र हेटौंडा उपमहानगरपालिका-१३ बस्ने सहचालक राजेश घलानलाई पनि नियन्त्रणमा लिएको जिल्ला प्रहरी कार्यालय महोत्तरीका प्रहरी नायब उपरीक्षक गिरिले जानकारी दिए ।
पक्राउ परेका चालक र सहचालकलाई थप अनुसन्धानका लागि जिल्ला प्रहरी कार्यालयमा राखी अनुसन्धान अघि बढाइएको र नियन्त्रणमा लिएको ट्रक पनि प्रहरी कार्यालय परिसरमै राखिएको छ ।
