मतदानको लागि बुथ बनाउने काम अन्तीम चरणमा , यसपालि टेन्ट राख्ने काम पनि थपियो

गोपाल झा
महोत्तरी ,२९ बैशाख
बैसाख ३० गते शुक्रबार बिहान ७ बजे देखी अपरान्ह ५ बजे सम्म हुन गईरहेको स्थानीय निर्बाचनका लागि मतदान स्थल निर्माणको काम अन्तीम चरणमा छ । भोलि शुक्रबार हुने मतदानको लागि महोत्तरीमा ४९७ छेकबार सहित ‘मतदान केन्द्र व्यवस्थित गर्ने काम अन्तीम चरणमा रहेको छ ।
मतदान केन्द्रमा गए पछी सबै मतदमताले सहज रुपमा मतदान गर्न पाउने तरीकाले मतदानकेन्द्र बनाउन आयोगले निर्देशन दिए अनुसार सुरक्षाकर्मी, कर्मचारी र स्वयम्सेवक मतदान केन्द्र निर्माणमा जुटेका हुन् ।
मौसम भिागका अनुसार मतदानको दिन पानी पर्ने सम्भावना रहेकाले यसउपालि मतदानस्थलमा टेन्ट बनाउने काम पनि थपिएको छ । आयोगले मतदान केन्द्रमा टेन्टको पनि व्यवस्था गर्न यसअघि नै निर्देशन दिएको छ । मतदान केन्द्र निर्माण गर्दा स्थानीय स्तरमा उपलब्ध डोरी, बाँस, घोचा, पाल जस्ता सामग्रीको उपयोग गर्न गरेका छन् ।
साथै मतदान केन्द्रमा आवश्यक पर्ने टेबुल, बेञ्च, कुर्सी लगायतका सामग्रीको व्यवस्था मिलाउनु पर्नेछ । केन्द्रमा मत सङ्केत गर्नका लागि गोप्य कक्षसहित मतपत्रमा छाप लगाउने टेबुल राख्नुपर्ने हुन्छ ।
मतदान केन्द्रको बाहिरी भागमा खुला ठाउँमा महिला र पुरुष मतदाताको लागि डोरी वा बाँस लगाएर अलग-अलग रूपमा पङ्क्तिबद्ध हुने व्यवस्था मिलाउन, सुत्केरी/गर्भवती, अशक्त, अपाङ्गता भएका, वृद्ध, बिरामी, क्रियापुत्रीका लागि उचित व्यवस्थापन गर्न पनि आयोगले भनेको छ ।
मतदान गरिसकेको व्यक्ति फेरि मतदान कक्षतर्फ फर्कन नसक्ने गरी बाहिर निस्कने व्यवस्था मिलाउनुपर्नेछ । स्थानीय बासिन्दाको सहयोगमा मतदान केन्द्रको वरपर सम्भव भएसम्म खानेपानी र शौचालयको पनि प्रबन्ध मिलाउनु पर्नेछ ।
भोलि हुने मतदानका लागि अन्तिम तयारी भइरहेको जिल्ला निर्वाचन कार्यालय महोत्तरी जनाएको छ । सबै मतदानस्थल र केन्द्रमा खटिएका कर्मचारीले सुरक्षा घेरा व्यवस्थित गर्ने, मतदाता परिचयपत्र वितरण गर्ने र मतदानको तरिकाबारे बुझाउन लागि परेको र आज बेलुकासम्म यी सबै काम सकिने मुख्य निर्वाचन अधिकृत दिपक कुमार खरेलले बताउनुभयो ।
यता निर्वाचनको लागि एकिकृत निर्वाचन सुरक्षा योजना अनूरुप तिन घेरामा सुरक्षा प्रदान गरिने महोत्तरीका प्रमुख जिल्ला अधिकारी बासुदेव दाहालले वताए । उनले पहिलो घेरामा(मतदान केन्द्र भित्र) नेपाल प्रहरी,दोस्रो घेरामा मोबाईल र पैदल गस्ती(शसस्त्र प्रहरी) तथा तेस्रो घेरामा नेपाली सेनाले सुरक्षा प्रदान गर्ने बताए । यता मतदान स्थल र केन्द्रको लागि सोहि ठाउमा खट्ने सुरक्षाकर्मी बाहेक थप रिजर्व फोर्स समेत हुने प्रजिअ दाहालले बताए । उनले नेपाली सेनाको टोलीहरु केहि दिन पुर्व नै मतदान केन्द्रको संवेदनशिलता हेरि विभिन्न ठाउमा परिचालन भैसकेको बताए । महोत्तरीमा सामान्य,संवेदनशिल तथा अतिसंवेदनशिल गरि तिन तहमा मतदान केन्द्रहरु वाडिएकोमा सोहि अनुरुप सुरक्षाकर्मीहरु समेत हुने वताए । प्रत्येक मतदान केन्द्रमा तिनजना नेपाल प्रहरीका साथ ६ जना म्यादी प्रहरीको ड्युटी हुने छ ।