माहोत्तरीको गौशालाबाट ८ किलो गाँजासहित एकै परिवारका चार जना पक्राउ

गोपाल झा २१ पुष
महोत्तरीमा लागुऔषध गाँजासहित ४ जनालाई प्रहरीले पक्राउ गरेका छन् । महोत्तरी जिल्लाको गौशाला नगरपालिका वडा ४ रजखोरबाट ८ के.जी गाजा सहित एकेै परिवारका चार जना लाई प्रहरीले पक्राउ गरेका छन ।
पक्राउ पर्नेहरुमा गौशाला नगरपालिका-४ रजखोर बस्ने ७० बर्षिय रामचन्द्र साह, उनको ५३ बर्षिय छोरा उपेन्द्र साह, २१ बर्षिय रोहित साह र १९ बर्षिय बिबेक साह रहेका छन् ।
लागुऔषध गाँजाको कारोबार गरिरहेको भन्ने विशेष सूचनाको आधारमा मंगलवार साँझ इलाका प्रहरी कार्यालय गौशालाबाट खटिएको प्रहरी टोलीले उनीहरुको घरको खानतलासी गर्दा ८ केजी गाँजा बरामद भएको महोत्तरीका प्रहरी प्रवक्ता तथा डीएसपी प्रकाश विष्टले जानकारी दिए ।
प्रहरी टोलीले रामचन्द्र साहको घरबाट बिक्रिको लागी पुरिया बनाई राखेको समेत,तैयारी गाजा ३ के.जी.,डिजिटल तराजु एक थान र गाजा बिक्रि गरेका नगद रु. ११०० फेला पारी बरामद गरी रामचन्द्र साह र निजको नाती वर्ष १८ को रोहित साहलाई पक्राउ गरेका छन ।
त्यसतै प्रहरीका अनुसार रामचन्द्रको छोरा उपेन्द्र साहको घरबाट समेत बिक्रिको लागी पुरिया बनाई राखेको तैयारी गाजा ५ के.जी., डिजिटल तराजु एक थान र गाजा बिक्रि गरेको नगद रु.६५०० फेला पारी बरामद गरी उपेन्द्र साह र छोरा वर्ष १९ को बिवेक साहलाई पक्राउ गरिएको डीएसपी विष्ट जानकारी दिए ।
उनीहरुलाई पक्राउ गरी लागूऔषध मुद्दामा महोत्तरी जिल्ला अदालतबाट म्याद थप गरी थप अनुसन्धान शुरु गरीएको जिल्ला प्रहरी कार्यालय महोत्तरीले जनाएको छ ।