पश्चिम नवलपरासीमा ७७ जनामा कोरोना संक्रमण पुष्टी, ५५ जना निको भए

उर्मिला यादव यात्री
जेठ ५
पश्चिम नवलपरासीमा बुधबार ७७ जनामा कोरोना संक्रमण पुष्टी भएको छ । पीसीआर परीक्षणबाट ५८ र एन्टिजेनबाट १९ जना गरी ७७ जनामा कोरोना संक्रमणको पुष्टि भएको हो । यो संगै जिल्लामा कुल संक्रमितको संख्या तीन हजार, तीन सय पुगेको छ । आज सबै भन्दा बढी सुनवल नगरपालिकामा १२ जना महिला र १४ जना पुरुष गरी २६जनामा संक्रमण पुष्टि भएको छ । त्यस्तै गरी बर्दघाट नगरपालिकामा २३ जना, रामग्राम नगरपालिकामा ६ जना, सरावल गाउपालिकामा ३ जना, प्रतापपुर गाउपालिकामा ६ जना, सुस्ता गाउपालिकामा ११ जना र पाल्हिनन्दन गाउपालिकामा २ जनामा संक्रमण पुष्टि भएको जिल्ला स्वास्थ्य कार्यालय पश्चिम नवलपरासीले जनाएको छ । यस्तैगरी आज कोरोनाबाट ५५ जना निको भएका छन भने जिल्लामा कुल १हजार ८ सय २ जना कोरोना संक्रमित निको भएका छन । यस्तै गरी जिल्ला मा सक्रिय संक्रमितको संख्या १ हजार तीन सय ९५ रहेको छ । आज बुधबार कोरोना संक्रमणबाट जिल्लामा ६ जनाको ज्यान गएको छ । ज्यान जानेमा सुनवल नगरपालिका वडा नम्बर ५ की ७५ बर्षिय महिलाको सुनवल आइसोलेसन सेन्टरमा , सुनवल नगरपालिका वडा नम्बर तीनका ८७ बर्षिय पुरुषको होमआइसोलेसनमा , प्रतापपुर गाउपालिका वडा नम्बर ६ का ५२ बर्षिय पुरुषको पृथ्वी चन्द्र अस्पताल परासीमा, रामग्राम नगरपालिका वडा नम्बर ६ की ५४ बर्षिय महिलाको भिम अस्पताल भैरहवा र रामग्राम नगरपालिका वडा नम्बर ७ की ४७ बर्षिय एक महिलाको युसीएमएस भैरहवामा मृत्यु भएको छ । यो संगै जिल्लामा मृत्यु हुनेको संख्या एक सय तीन पुगेको छ ।