कोरोनाको जोखिमलाई बेवास्ता गर्दै सिरहामा जसपाको सभा

प्रतिक्षा खबर २०७७ श्रावण १६, शुक्रबार १०:३३

जसपाको पार्टी प्रवेश कार्यक्रममा सहभागीहरु
कोरोना कहरबाट गुज्रिरहेको प्रदेश २ मा जनता समाजवादी पार्टी (जसपा)ले भिड जम्मा पार्दै पार्टी प्रवेश कार्यक्रम आयोजना गरेको छ ।
सिरहाको गोलबजार नगरपालिकाको चौहर्बामा बिहीबार आयोजना गरिएको पार्टी प्रवेश कार्यक्रममा दर्जनौंको उपस्थिति थियो । अग्रपंक्तिमा बसेकाले मास्कको प्रयोग गरे पनि बीचमा र पछाडि बसेका धेरैले मास्कको प्रयोग गरेका थिएनन् ।
पार्टी प्रवेश कार्यक्रमको नाममा सामाजिक दूरीको खिल्ली उडाएको देखियो । कार्यक्रमस्थलमा ठूलो मञ्च बनाइएको थियो भने मञ्च अगाडि ठूलो पण्डाल निर्माण गरिएको थियो ।
पण्डालभित्र सामाजिक दूरी पालन नगरी कुर्सीहरु राखिएका थिए । मञ्चमा आसिन नेताहरुले केही सामाजिक दुरी पालना गरेको देखिए पनि तल पण्डालभित्र बसेका कार्यकर्ताहरु भने एकअर्कासँग टाँसिएरै बसेका थिए । सरकारले लकडाउन खुला गरे पनि सभा सम्मेलन गर्न प्रतिबन्ध कायमै राखेको छ ।
पार्टी अध्यक्ष उपेन्द्र यादवले आफ्नो भाषणको समयमा कोरोना भाइरस सम्बन्धी चेतनामूलक भाषण ठोके । उनले संक्रमण हुन नदिन व्यवहारमा परिवर्तन गर्नुपर्नेदेखि संक्रमित भइहाले अस्पतालसम्म पुर्याउनुपर्ने धारणा राखे । सोही क्रममा उनले कुनै तयारी बिना नै सरकारले लकडाउन खोलेको आरोप लगाए । ‘सरकारले लकडाउन खोलेको छ, तर तयारी केही छैन’ उनले भने ।
यादवले एकात्मक र केन्द्रीकृत शाषण प्रणाली परिवर्तन हुनु ठूलो उपलब्धी भएको भन्दै यसलाई संस्थागत गर्दै अघि बढ्नुपर्ने समेत बताए ।
कार्यक्रममा पार्टीका नेता बाबुराम भट्टराईले कम्युनिष्ट श्रम गरेर खाने पार्टी भए पनि यहाँको कम्युनिष्ट चोरेर, ठगेर खाइरहेको आरोप लगाए । उनले भने, ‘कांग्रेस आफ्नै पापले थला परेको छ । कम्युनिष्ट अर्काको चोरेर, ठगेर खाइरहेका छन् ।
कम्युनिष्ट सरकार भ्रष्टाचारमा लिप्त रहेको भन्दै उनले आफ्नो पार्टीले कतै पनि भ्रष्टाचार नगर्ने दावी गरे ।
कार्यक्रममा सहभागी अर्का नेता राजकिशोर यादवले सरकारको चरित्र ठीक नरहेको बताए। पार्टी प्रवेश गर्नेहरुमा नेपालिकांग्रेस,नेकपा र रा प्र पाबाट रहेका छन । विभिन्न पार्टी परित्यागगरी अाउनेहरुलाइ माला र टीका लगाइ पार्टी प्रवेश गराएका छन ।

जानकी मन्दिरबाट लखेटिए हर्क साम्पाङका कार्यकर्ता

समायोजन विवादका कारण लोसपा र जसपा नेपालले बोलाए छुट्टाछुट्टै बैठक

राप्रपा सांसद खुश्बु ओलीको चरित्रहत्या गरेको आरोपमा २ जना पक्राउ

अदालतबाट हतकडीसहित थुनुवा फरार

शेख हसिनाको ९ खर्ब ४२ अर्ब रुपैयाँ बराबरको सम्पत्ति जफत

थुनामुक्त भए एमालेका पूर्वसांसद कोइरी

निजी सञ्चारमाध्यमलाई सरकारी विज्ञापन रोक्ने सरकारको निर्णय सर्वोच्चद्वारा बदर

कोरोनाको जोखिमलाई बेवास्ता गर्दै सिरहामा जसपाको सभा

तपाईको प्रतिक्रिया !

ताजा खबर

जानकी मन्दिरबाट लखेटिए हर्क साम्पाङका कार्यकर्ता

समायोजन विवादका कारण लोसपा र जसपा नेपालले बोलाए छुट्टाछुट्टै बैठक

राप्रपा सांसद खुश्बु ओलीको चरित्रहत्या गरेको आरोपमा २ जना पक्राउ

अदालतबाट हतकडीसहित थुनुवा फरार

सम्बन्धित खबर

अज्ञात समूहको गोली प्रहारबाट सर्लाहीमा इन्जिनियरकाे हत्या

प्रदेश २ मा जसपाका थप दुई सांसदले रोजे लोसपा

महाेतरीकाे रामगाेपालपुर नगरपालिकामा बन्दा बन्दीको घोषणा

मधेस प्रदेशका मुख्यमन्त्री यादवविरुद्धको रिटमाथिको सुनुवाइ हेर्दाहेर्दैमा

साेनमा गाउँपालिकाबाट पसल संचालक मण्डल सहित चाेरिकाे माेटरसाइकल पक्राउ

मधेश सरकार छाड्ने जनमतको चेतावनी

माइतीघर खुला गर्न माग गर्दै सडकमा आए राजेन्द्र महतो

मधेशका मुख्यमन्त्री यादवले तोके विना विभागीय मन्त्रीहरूको जिम्मेवारी