महोत्तरी,औरही । विद्यालय शिक्षा दिने क्षेत्रहाे भन्नेकुरा कसैसंग लुकेकाे छैन र कसैले नजानेकाे पनि हाेइन विद्यालयमा अभिभावकहरु अाफनाे बच्चालाई शिक्षा अार्जन गर्न विद्यालयमा पठाउने गरिन्छ तर महाेतरीकाे अाैरही नगरपालिका वाडा नम्बर ८ मा यस्ताे एउटा विद्यालय हाे जहाँ न शान्ति हुन्छ न साेचेकाे जस्ताे पढाइ विद्यालयलाई केही व्यक्तिहरुले अाफनाे निजिकरणर गरेर राजनेतिक अखडा बनाएका छन ।
गाउँमा भएकाे प्रत्येक भाेज र बराति बस्ने धर्मशालाकाे रुपमा परिणत गरेकाे देखिन्छ । गाउँमा भाेज भतेर हुने भाडाकुडा समेत विद्यालयकाे काेठामा राखने गरिन्छ ।यस्तेै अाज वार्षिक परिक्षा संचालन भईरहेको समयमा महोत्तरीको औरही नगरपालिकामा रहेकाे विद्यालयको प्राङ्गणमा सर्वसधारणले भोज खाएकाे थियाे । शुक्रवार दिउँसो औरही नगरपालिका ८ मा रहेको सोनामाई आधारभुत विद्यालय टिम्कियाका कक्षा १ देखि ५ सम्मका विद्यार्थीहरुले कक्षाकोठाभित्र पहिलो दिनको परीक्षा दिईरहेको समयमा वाहिर विद्यालयको चौरमा विहेको भोजको आयोजना गरिएको थियो । र बाहिर बाजा बजाई रमिता गरिरहेकाे थियाे ।
विद्यालय व्यवस्थापन समितिका अध्यक्ष गंगाराम यादवकाे अाफनै छोराको बिहे भोजकाे रमिता गरेर विद्यार्थीहरुको भविष्यमाथि खेलवाड गरेको स्थानिय रामआश्रय यादवले बताउनुभयो । विद्यालय व्यवस्थापन समितिका अध्यक्ष यादवले विद्यालयलाई नीजिकरण गरेकोले अव विद्यालयमा सुधारको अत्यन्त आवश्यक रहेको सुझाव दिनुभएको छ । वडामा सार्वजनिक धर्मशाला वा दलानको अभाव भएकोले विद्यालयमा भोजभात गरेको हुनसक्ने वताउनुहँुदै उहाँले वार्षिक परिक्षा संचालन भईरहेको समयमा विद्यालयमा भोज भतेर गरेकोप्रति आपति जनाएका छन ।
स्थानीय युवा धर्वेन्द्रकुमार यादवले आफुले यसको विरोध गर्दा व्यवस्थापन समितिले आफनो घरमा कुरा लगाएको बताउनुहुदै गलतलाई गलत भन्दा दवाव झेल्नुपरेको बताउनुभयो । उहाँले समाजमा गलत भनेर विरोध नै गर्न नसकिएको बताउनुहुदै सुधार गर्नुका साटो दवाव दिनु उचित नभएको सुझाव दिनुभयो ।
यससम्बन्धमा औरही नगरपालिकाका शिक्षा समिति संयोजक धनबहादुर राईले आफुहरुलाई पनि यससम्बन्धी जानकारी भएपछि तत्कालै हटाउन लगाएको बताउनुभयो । उहाँले विद्यालयका प्रधानाध्यापक सरिता कुमारी यादवलाई विद्यालयमा विद्यालय चलिरहेको समयमा यस्ता गतिविधि नगर्न र नगराउन निर्देशन दिइसकेको बताउनुभयो ।
यस सम्बन्धमा जानकारी आउने वितिकै आफुले सो विद्यालयका प्रधानाध्यापक सरिता कुमारी यादवसँग लिखित रुपमा स्पष्टीकरण माग गरेको औरही नगरपालिकाका शिक्षा शाखा संयोजक धनराज राईले बताउनुभयो । बर्षाले गर्दा सडक अवरुद्ध भएकोले आईतबारसम्म चितवुझदो जवाफ प्रधानाध्यापक यादवले स्पष्टीकरण पेश नगरे कानुनअनुसार कारवाही प्रक्रिया अगाडि बढाईने संयोजक राईले बताउनुभयो ।
यस सम्बन्धमा जिल्ला समन्वय ईकाई कार्यालय महोत्तरीका प्रमुख शत्रुध्न प्रसाद यादवले विद्यालयभित्र परिक्षा संचालन भईरहेको समयमा वाहिर स्थानियहरुले भोजभतेर गरेर विद्यार्थीको भविष्य उपर नै खेलवाड गरेको आरोप लगाउनुभएको छ ।
समुदायको सम्पति भएकोले यसलाई संरक्षित गर्नका लागि स्थानियले नै उचित भुमिका निर्वाह गर्नुपर्ने आवश्यकतामाथि प्रमुख यादवको भनाई रहेको छ । विद्यालयले कुन रुपमा अनुमति दिएको हो यस सम्बन्धमा आफुले बुझने प्रयासमा रहेको प्रमुख यादवले प्रतिक्रिया दिनुभएको हो । सरकारले कोरोना भाइरसको संक्रमणबाट बच्न चैत ५ गते भित्र परिक्षा सक्न दिएको निर्देशन अनुसार महोत्तरीमा शुक्रबारबाट परिक्षा शुरु भएको हो ।
