लागूऔषध सहित दुईजना पक्राउ

रामगाेपालपुर, असोज १२ गते
प्रदेश २ को विभिन्न जिल्लाबाट सशस्त्र प्रहरीले लागूऔषधसहित दुई जनालाई पक्राउ गरेको छ । सिरहाबाट एकजना र सर्लाहीबाट एकजना पक्राउ परेको हो
सिरहा जिल्लाको औरही गाउँपालिका १ स्थित दरैयाबाट शनिबार सशस्त्र प्रहरीको टोलीले लागूऔषधसहित एक जनालाई गोलबजार नगरपालिका ६ बस्ने २३ वर्षीय राजु शर्मालाई पक्राउ गरेको हो ।
उनलाई सशस्त्र प्रहरी बल, नेपाल बोर्डर आउट पोष्ट बरियारपट्टिबाट खटिएको एपीएफ टोलीले शंका लागि जाँच गर्दा उनको साथबाट नाईट्राभेट ३० पत्ता र स्पास्मो प्रोक्सिभन ६ पत्ता फेला परेको थियो ।
पक्राउ परेका निज शर्मालाई बरामद लागूऔषधसहित आवश्यक कारवाहीको लागि स्थानीय प्रहरीमा बुझाईएको सशस्त्र प्रहरीले जनाएको छ ।
यसैगरी सर्लाही जिल्लाको मलंगवा नगरपालिका-५ स्थित भाटसार ईलाकाबाट आइतबार एपीएफ टोलीले ५० बोतल डाईलेक्स डिसी नामक लागूऔषधसहित एक जनालाई पक्राउ गरेको छ । पक्राउ पर्नेमा जिल्लाको मलंगवा नगरपालिका-२ बस्ने ३० वर्षीय दिने पासवान छन् ।
उनलाई सशस्त्र प्रहरी बल, नेपाल बोर्डर आउट पोष्ट खुटौनाबाट खटिएको एपीएफ टोलीले शंका लागि जाँच गर्दा उनको साथमा उक्त लागूऔषध फेला परेपछि उनलाई पक्राउ गरेको बताइएको छ ।
टुडृपाटी डटकम