नेपालका स्थापित जीवन बीमा कम्पनीहरुले समेत आफ्नो पूरानो साख बचाउने नाममा कति सम्म बदमासी गर्दछ भन्ने कुराको पुष्टी नेपालको नम्बर १ बीमा कम्पनी नेपाल लाईफ इन्स्योरेन्सको नक्कली प्रथम बीमा शुल्क र दोस्रो ठूलो बीमा कम्पनी एलआईसी नेपालको नक्कली प्रथम बीमा शुल्कबाटै प्रस्ट भएको छ ।
यी दुई बीमा कम्पनीहरुले असार मसान्तमा बीमा समितिमा पठाएको वित्तिय विवरण डरलाग्दो र नेपालको अर्थतन्त्रलाई नै तहसनहस पार्ने औजार प्रयोग गरेको भेटिएको छ ।
नेपालका बीमा कम्पनीहरुमा ग्राहकले बीमालेख खरिद गर्दा त्यसको प्रिमियम १ महिना ३ महिना, ६ महिना वा १ वर्षमा तिर्ने गरि खरिद गरेका हुन्छन । यसबाट जीवन बीमा कम्पनीहरुको वित्तिय विवरणमा देखाउने तरिका फरक÷फरक हुन्छ ।
यही कुरामा टेकेर नेपालको नम्बर १ बीमा कम्पनी बताउँदै आएको जीवन बीमा कम्पनी नेपाल लाईफ इन्स्योरेन्स र अर्को आफूलाई दोस्रो ठूलो जीवन बीमा कम्पनी बताउने एलआईसी नेपालले गत वर्ष २०७५÷०७६ को (रिनवल) रिनो गरिएको बीमा लेखको प्रथम बीमा शुल्क २०७६÷०७७ को वित्तिय विवरणमा राखी प्रथम बीमा शुल्क बढि देखिएको भेटिएको छ ।
जबकी यो गर्न पाइदैन तर, आफूलाई नम्बर १ देखाउन नेपाल लाईफ इन्स्योरेन्स कम्पनीले १ अर्ब ५८ करोडौ २०७५÷०७६ को रिनोबल बीमा शुल्क २०७६÷०७७ मा राखी १० अर्ब १६ करोड प्रथम बीमा शुल्क आर्जन गरेको नक्कली वित्तिय विवरण बीमा समितिमा पठाए पछि उक्त काण्ड भण्डाफोर भएको हो ।
नेपाल लाईफ इन्स्योरेन्स कम्पनीले गत वर्ष २०७५÷०७६ मा ८ अर्ब५८ करोड प्रथम बीमा शुल्क मात्रै उठाएको थियो तर यसपटक कोरोना भाइरसको महामारी बीच २०७६÷०७७ मा १० अर्ब १६ करोड उठाएको वित्तिय विवरण देखाएको छ । तर, नियमनकारी निकाय बेखबर झै बसेको देखिन्छ ।
१ अर्ब ५८ करोड २०७५÷०७६ मा बीमा गरिएको रिनोबललाई २०७६÷०७७ मा समावेश गरिर प्रथम बीमा शुल्क देखाउँदै व्यापार बृद्धि भएको भ्रम फैलाएको देखिन्छ । यसबाट खाइनखाई नेपाल लाईफ इन्स्योरेन्सको शेयर किनेका लाखौ शेयरधनीहरु मारमा पर्ने निश्चित छ ।
नेपालको अर्थतन्त्रलाई नै चलायमान गर्दै आएको शेयर बजार नेपाल लाईफ इन्स्योरेन्स कम्पनीको नक्कली वित्तिय विवरणका कारण विहिबार २२ अंकले बढेको थियो । तर, नियमनकारी निकाय किन चुप छ । तत्कालै टोली पठाएर नेपाल लाईफ इन्स्योरेन्सको वित्तिय विवरण छानवीन होस् । जनता दिन दहाडै ठग्न पाइदैन । बीमा समितिका अध्यक्ष चिरनजीवी नेपालज्यू ।
नेपाल लाईफ इन्स्योरेन्सको गलत तथ्याङ्गका कारण शेयर बजारमा ठूलो चलखेल भएको कारण नेपाल धितोपत्र बोर्डले समेत तत्कालै छानबीन गर्नुपर्ने दबाब बढेको छ । शेयर बजारमा चलखेल गर्न नेपाल लाईफ इन्स्योरेन्स कम्पनीले आफना मार्केटिङ्ग र एजेन्सी मनेजरहरुलाई १० अर्ब ५८ करोड प्रथम बीमा शुल्क उठाएको भ्रम फैलाउन र आफू नेपालको १ नम्बर बीमा कम्पनी भएको देखाउन निर्देशन नै गरेको एक उच्च कर्मचारीले पंक्तिकारसंग बताए
यस्तै नेपाल लाईफ इस्योरेन्सको सिको गर्दै लाईफ इन्स्योरेन्स कर्पोरेशन (नेपाल) लिमिटेडले पनि गत वर्ष २०७५÷०७६ को रिनोबल बीमा शुल्क करिब १ अर्ब हाराहारीको रकम २०७६÷०७७ को प्रथम बीमा शुल्कमा जोडी ४ अर्ब ५७ करोड प्रथम बीमा शुल्क उठाएको नक्कली वित्तिय विवरण बीमा समितिमा पठाएको खुलेको छ । यसै कारण गत विहिबार एलआईसी नेपालको शेयर ५४ अंकले बढेको देखिन्छ ।
आफूलाई नम्बर १ र २ बीमा कम्पनी बताउने नेपाल लाईफ इन्स्योरेन्स कम्पनी र लाईफ इन्स्योरेन्स कर्पोरेशन (नेपाल) लिमिटेडको वित्तिय विवरण तत्कालै छानवीन हुनुपर्ने आवज उठेको छ । बीमा समितिबा अध्यक्ष चिरनजीवी नेपाल ज्यू ? हेक्का होस् ।
नयाँ जीवन बीमा कम्पनीहरु बजारमा आक्रमक भएर आएपछि पूरानो बीमा कम्पनीहरुले गतवर्षको बीमा शुल्कलाई प्रथम बीमा शुल्कमा हिसाब राखी आफ्नो पूराना साख बचाउने जुन काम भएको छ । यो सरासर गलत हो । यसको छानवीन तत्कालै हुनु जरुरी छ । गत विहिवार जीवन बीमा कम्पनीहरुको वित्तिय विवरण आएपछि जीवन बीमा कम्पनीहरुको शेयर अचम्मले बढेको देखिएको छ । सचेत भया ।
भूपेन्द्र अचार्य
