प्रतीक्षा खबर
सिरहा, वैशाख ७ गते ।
सिरहामा कोरोना भाइरस बारे अफवाह फैलाउने एकजनालाई प्रहरीले पक्राउ गरेको छ । आइतबार मध्याह्रन १२ बजेको समयमा कोरोना भाइरस बारे सामाजिक सञ्जाल फेसबुक मार्फत गलत समाचार सम्प्रेसन गरेको आरोपमा पक्राउ परेको हो ।
पक्राउ पर्नेमा सिरहाको सुखिपुर नगरपालिका ९ बस्ने ३० वर्षीय सुरेशकुमार कर्ण रहेको जिल्ला प्रहरी कार्यालय सिरहाका प्रहरी नायव उपरीक्षक विनोद घिमिरेले जानकारी दिए ।
पक्राउ परेका कर्णलार्ई इलाका प्रहरी कार्यालय सुखिपुरमा ल्याएर थप अनुसन्धान भइरहेको सिरहा प्रहरीले जनाएको छ ।
