अापसी प्रेम र सद्भावको पर्व होली मिथिलाञ्चलमा अाज मनाइँदै छ । १५ दिने मिथिला मध्यमा परिक्रमा समापन भएको भोली पल्ट तराई मधेशमा होली खेल्ने परम्परा रहेको छ ।
सोमबार परिक्रमा सम्पन्न भएपछि मंगलबार परेको होली पर्व तराई मधेशका विभिन्न ठाउँमा मनाइयो । तर जनकपुरधाम लगायत मिथिलाञ्चलको विभिन्न ठाउँहरुमा अाज होली मनाइदै छ ।
मंगलबार माछमासु नखाने अधिकांसले अाज बुधबार होली मनाउन लागेका हुन् । होली पर्व मनाउन जनकपुरको विभिन्न ठाउँमा युवाहरुले मटकाफोर कार्यक्रम अायोजन गरेका छन् ।
होली पर्व मनाउन प्रदेश २ सरकारले अाज पनि विदा दिएको छ । प्रदेश सरकारले मंगलबार र बुधबार होली पर्वको अवसरमा विदा घोषणा गरेको थियो ।
हिमाल तथा पहाडी क्षेत्रमा भने फागु पुर्णिामाकैै दिन सोमबार नै होली मनाइएको थियो टुडेपाटीडटकम
