महोत्तरीमा लाखौं मूल्यको वेवारिस सरसमान प्रहरीले गरे बरामद

गोपाल झा
महोत्तरी , १६ जेष्ठ महोत्तरीमा लाखौं मूल्य बराबरको वेवारिस अवस्थमा लुकाएर राखेको कपडा तथा किरानाका सरसमानहरु प्रहरीले बरामद गरेको छ ।
महोत्तरीको गौशाला नगरपालिका वडा नम्बर ५ स्थित आँप बगैचामा लुकाएर राखेको कपडा तथा किरानाका सरसमानहरु बेवारीसे अवस्थामा फेला परेको हो ।
प्रहरीले बरामद भएका सामानहरु भन्सार छली गरेर ल्याएको हुन सक्ने बताएको छ । आँपको बगैचाको छेउमा भारतबाट नेपाल तर्फ भन्छार छलि ल्याई बेवारिसे अवस्थामा राखिएको चिनी, दाल,पाउडर दुध, खानेतेल, बिस्कुट र मिठाई लगायतको रु.१,२२,५३५रुपैया मुल्य बराबरको खाद्यान्न तथा किराना सामानहरुका सथै बिभिन्न किसिमका कपडाहरु रु.१,३९,७०० रुपैया गरी जम्मा रु.२ लाख ६२ हजार २५३ रुपैया बराबरको रहेको जनाईएको छ । सामानहरु बेवारीसे अवस्थामा राखिएको भन्ने खबर प्राप्त हुनाका साथ जिल्ला प्रहरी कार्यालय महोत्तरी र ईलाका प्रहरी कार्यालय.गौशाला तथा प्रहरी चौकि सम्सी बाट खटिएको प्रहरी टोलिले बरामद गरेको जिल्ला प्रहरी कार्यालय महोत्तरीका प्रहरी नायब उपरीक्षक प्रकाश विष्टले जानकारी दिए ।
प्रहरीले उक्त समानहरु नियन्त्रणमा लिई थप अनुसन्धान तथा आवश्यक कारबाहीकालागि जलेश्वर भन्सार कार्यालय मलिवारा पठाइएको प्रहरी नायब उपरीक्षक विष्टले जानकारी दिएका हुन् ।