इसराइल र लेबननबीच युद्धबिरामको सहमति

प्रतिक्षा खबर २०८१ मंसिर १२, बुधबार ११:३४

युद्धविरामअघि लेबनन इसराइलले गरेको आक्रमण। तस्बिरः सिएनएन।

इसराइल र लेबननबीच युद्धबिरामको सहमति भएको छ।

मंगलबार राति लेबननमा युद्धबिराम गर्ने प्रस्तावलाई इसराइलको सुरक्षा क्याबिनेटले पारित गरेको हो।

योसँगै दुई महिनादेखि भएको इसराइल र हिजबुल्लाहबीचको युद्ध रोकिएको छ। इसराइलले बुधबार बिहान स्थानीय समयअनुसार ४ बजेदेखि युद्धबिरामको सहमति कार्यान्वयन हुने भनेको समाचार संस्था सिएनएनले जनाएको छ।

यद्यपि इसरलाइले मंगलबार नै लेबननको राजधानी बेरूतनजिक दक्षिणी क्षेत्रलाई निशाना बनाएर बमबारी गरेको थियो। मंगलबारको बमबारीलाई युद्ध सुरू भएयताकै सबैभन्दा भारी बमबारी भनिएको सिएनएनले उल्लेख गरेको। बेरूत नजिक २ मिनेटमा २० पटक विस्फोट गराइएको थियो।

आक्रमणमा परी कम्तिमा २५ जनाको मृत्यु भएको भनिएको छ। सोमबार एकैदिन ५५ जनाको मृत्यु भएको थियो।

इसराइल र हिजबुल्लाहबीचको युद्धको दुई महिनाको अवधिमा लेबननमा हजारौंले ज्यान गुमाएका छन्

गत असोजको सुरूवातमा इसराइलले लेबननमा पेजर विस्फोट गराएको थियो। हिजबुल्लाहले त्यसको जबाफमा इसराइलमा हवाई आक्रमण गरेको थियो। त्यसयता इसराइली आक्रमणमा परी हिजबुल्लाहका कमाण्डरहरूसमेत मारिएका थिए।

अमेरिकी राष्ट्रपति जो बाइडेनले लेबननमा युद्धविरामको पहल गरेका थिए। युद्धबिरामको सहमतिपछि इसराइली प्रधानमन्त्री बेन्जामिन नेतन्याहुले राष्ट्रपति बाइडेनलाई फोन गरी धन्यवाद भनेको सिएनएनको समाचारमा उल्लेख छ।

युद्धबिरामपछि इसराइली सेनाहरू लेबननबाट फिर्ता हुनेछन्।

लेबननबाट इसराइली सेनालाई फर्काउन ६० दिनको समय दिइएको छ।

युद्धविरामको सहमतिपछि इसराइली प्रधानमन्त्री नेतन्याहुले हिजबुल्लाहसँग युद्धविराम गर्नुका पछाडि विशेष कारण रहेको बताए।

उनले अहिले इरानसँगको युद्धमा विशेष ध्यान दिनुपर्ने भएका कारण लेबननमा युद्धविराम गरिएको बताएका छन्।

‘इरानी खतरामा ध्यान केन्द्रित गर्न, इसराइली सैनिकलाई आराम दिन र हमासमाथि दबाब बढाउन लेबननमा युद्धविराम गरेका हौं,’ नेतन्याहुले भनेका छन्।

लेबननका प्रधानमन्त्री नजिब मिकटीले युद्धविरामको सहमतिको स्वागत गर्दै अमेरिकी राष्ट्रपति बाइडेनलाई धन्यवाद भनेका छन्।

दुर्गा प्रसाईंविरुद्ध पर्सामा अदालतमा मुद्दा दर्ता

७२ हजार घुससहित सोनमा गाउँपालिकाका प्रमुख प्रशासकीय अधिकृत पक्राउ

मनरा सिस्वा र गाैशाला नगरपालिकामा पानीमा डुबेर चार बालिकाको मृत्यु

मधेशका मुख्यमन्त्री यादवले पाए विश्वासको मत

मधेशमा जनमतका दुई मन्त्रीले दिए राजीनामा, जसपा नेपालका मन्त्री बर्खास्त गर्ने तयारी

भन्सारले छोडेको पिकअप फेरि तस्करीमा पक्राउ भन्सार–तस्कर–बिचौलिया सेटिङमाथि थप शंका

रामगाेपालपुर नगरपालिकामा प्रशासकीय भवन शिलान्यासकाे कार्यक्रम सम्पन्न

जसपाका नेता विजयकुमारले त्यागे पार्टी

विज्ञापन रोक्ने निर्णय तत्काल फिर्ता लिन जसपा नेपालको माग

इसराइल र लेबननबीच युद्धबिरामको सहमति

तपाईको प्रतिक्रिया !

ताजा खबर

दुर्गा प्रसाईंविरुद्ध पर्सामा अदालतमा मुद्दा दर्ता

७२ हजार घुससहित सोनमा गाउँपालिकाका प्रमुख प्रशासकीय अधिकृत पक्राउ

मनरा सिस्वा र गाैशाला नगरपालिकामा पानीमा डुबेर चार बालिकाको मृत्यु

मधेशका मुख्यमन्त्री यादवले पाए विश्वासको मत

मधेशमा जनमतका दुई मन्त्रीले दिए राजीनामा, जसपा नेपालका मन्त्री बर्खास्त गर्ने तयारी

सम्बन्धित खबर

प्रदेश राहत कोषमा रकम आउने क्रमजारी

मदरसालाई समावेश गरि बजेट दिएकोमा लुम्बिनी प्रदेश सरकारको प्रसंशा

पाँचदलीय गठबन्धनको बैठकमा राष्ट्रपति विद्यादेवी भण्डारीको आलोचना

देशको जिम्मेवारी तरुणको काँधमा छ : डा. कोइराला

मटिहानीको जरलहवा बस्तीमा भीषण आगलागी सहयाेग गर्न अपिल

२४घण्टामा थप १२४६ जनामा कोरोना संक्रमण पुष्टि, संक्रमितको संख्या ५० हजार नाघ्यो

बलवा नगरपालिकामा संचालित मदिरा भट्टीपसलमा प्रहरीको छापा

सडक विस्तारको विरोधमा मुख्य व्यापारिक क्षेत्र बन्द