नेपाली नारी समाज पोर्चुगलद्वारा खाधान्न सहयोग

२४ फागुन/धनगढी
११२अौ अन्तर्राष्ट्रिय नारी दिवसको अवसर पारेर नेपाली नारी समाज पोर्चुगलले कैलालीको धनगढीमा रहेको दृष्टि फाउन्डेसनलाई खाधान्न सहयोग गरेको छ ।
बेसहारा ,मानसिक सन्तुलन गुमाएका तथा विभिन्न घरेलु हिंसाका कारण सडकमा जीवन बिताइरहेका ५० जना महिलाइ तथा बालिकाहरुलाइ आश्रय दिइरहेको दृष्टि फाउन्डेसनमा आज नेपाली नारी समाज पोर्चुगलद्वारा खाधान्न सहयोग गरेको हो ।
समाजमा विभिन्न कारणले घरपरिवार बाट टाढिएका ,मानसिक सन्तुलन गुमाएका तथा समस्यामा परेका नारी दिदी बहिनिहरुलाइ आश्रय दिइरहेको फाउन्डेसनलाई नारी दिवसका दिन सहयोग गर्न पाउँदा खुशी लागेको नेपाली नारी समाज पोर्चुगलका अध्यक्ष सीता श्रेस्ठ”सिवानी” ले बताउनुभयो ।
पचास हजार भन्दा बढिको खाधान्न दृष्टि फाउन्डेसनलाई आफ्नो सहजीकरणमा बितरण गर्न पाउँदा खुशी लागेको पत्रकार प्रकाश मिश्रले बताउनुभयो । चामल,पिठो,दाल,खानेतेल,सोयाबिन ,नुन,चिनि ,सब्जी मसला ,चकलेट लगायतका खाधान्न फाउन्डेसनलाई सहयोग गरेको पत्रकार मिश्रले बताए । असाहयहरुलाइ सहयोग गर्ने पबित्र कार्यमा आफुलाइ मौका दिनुभएकोमा पत्रकार मिश्रले नेपाली नारी समाज पोर्चुगलका अध्यक्ष सीता श्रेष्ठ “सिवानी ” र संस्थापक अध्यक्ष सीता बराललाइ धन्यवाद दिए ।
पचास जना भन्दा बढी महिलाइ दिदी बहिनिहरुलाइ आश्रय दिइरहेको आफुहरुलाइ विभिन्न समस्या रहेको समयमा सबैभन्दा बढी समस्या रहेको खाधान्न उपलब्ध गराएकोमा दृष्टि फाउन्डेसनका कल्पना भट्टले नेपाली नारी समाज पोर्चुगलप्रती आभार ब्यक्त गर्नुभयो । उहाले नेपाली नारी समाज पोर्चुगल समस्यामा रहेका चेलिहरुको माइती बनेर आएको भन्दै खुशी ब्यक्त गर्नुभयो ।