जनता समाजवादी पार्टीको बैठक सिंहदरबारमा शुरू

जनता समाजवादी पार्टी (जसपा) संसदीय दलको बैठक सिंहदरबारमा शुरू भएको छ
पछिल्लो राजनीतिक घटनाक्रम र आगामी कदमबारे छलफल गर्न जसपाले बैठक बोलाएको हो ।
दिउँसो १ बजे बोलाइएको बैठक साढे १ बजे शुरू भएको छ ।
सर्वाेच्च अदालतको फैसलापछि नेकपा एमाले र माओवादी केन्द्र कायम भएर सत्ता समीकरण फेरबदल हुने चर्चाबीच जसपा छलफलमा जुटेको छ ।
जसपा बैठक हुनुअघि एकीकरण पूर्वका साविक राष्ट्रिय जनता पार्टी (राजपा) र संघीय समाजवादी पार्टीका सांसदले छुट्टाछुट्टै भेला गरेका थिए ।
साविक समाजवादी पार्टीका सांसद छुट्टै बैठक सोमवार गरेका थिए भने राजपाको बैठक दिउँसो १२ बजे बसेको थियो ।
एकीकरण भइसकेको महिनौंपछि पनि सत्ता समीकरणको खेल चलिरहेका बेला साविकका पार्टीले छुट्टाछुट्टै भेला गर्नुलाई अर्थपूर्ण रूपमा हेरिएको छ । प्रतिनिधि सभाको सबैभन्दा ठूलो दल नेकपा एमालेलाई बाहिरै राखेर सरकार बनाउन जसपा निर्णायक भूमिकामा रहेको छ ।
प्रतिनिधि सभामा जसपाका ३४ सांसद भएपनि २ जना निलम्बित रहेका छन् । एकीकरण हुनुअघि राजपा र समाजवादीका १७/१७ सांसद थिए ।
सभार लोकान्तर संवाददाता