गोपाल झा
महोत्तरी , माघ २५ गते
जिल्ला प्रहरी कार्यालय महोत्तरीले ६०४ किलो गाँजासहित एकजनालाई पक्राउ गरेको छ । जिल्ला प्रहरी कार्यालय महोत्तरी र अस्थायी प्रहरी पोस्ट जमुनियाको टोलीले बिहीबार राति ४० पोकामा रहेको ६०४ किलो गाँजा सहित एक जनालाई पक्राउ गरेको छ ।
प्रदेश २–०४–००१ख ००२१ नम्बरको ट्रकको हुडमा डोरीले बाँधी कालो प्लास्टिकले छोपी जलेश्वर बर्दीबास सडकखण्डस्थित भंगहा नगरपालिका– ६ मजरा गाँउ बाट प्रहरीले उक्त परिमाणको गाँजासहित चालकलाई नियन्त्रणमा लिएको जिल्ला प्रहरी कार्यालय महोत्तरीका प्रवक्ता प्रहरी निरीक्षक नन्दकिशोरप्रसाद चौहानले जानकारी दिए ।
सूचनाको आधारमा प्रहरीको संयुक्त टोलीले गाँजासहित एकजनालाई पक्राउ गरेको जिल्ला प्रहरी कार्यालय महोत्तरीले जानकारी गराएका छन् । प्रहरी प्रबक्ता चौहानका अनुसार गाँजासँगै ट्रकचालक उदयपुर कटारी नगरपालिका– १ बस्ने २३ वर्षीय गणेशबहादुर विश्वकर्मालाई नियन्त्रणमा लिईएको छ ।
