नागेन्द्र कुमार यादव
महोतरी : महोतरीको सोनमा गाउँपालिकामा शुरु भयो छोरी शिक्षा बीमा शिविर प्रदेश २ मा मूख्यमन्त्री मोहम्द लालबाबु राउत गदीले संचालन गरिएको ‘बेटी पढाउ, बेटी बचाऊ’ अभियान अन्तर्गत आज मंगलबारदेखि महोतरीको सोनमा गाउँपालिकामा छोरी शिक्षा बीमा शिविर शुरु भएको छ ।
छोरी शिक्षा बीमा शिविर सप्ताह अन्तर्गत २०७५ माघ १ गतेपछि जन्मेका छोरीहरुको शिक्षा बिमा शुरु गरिएको हो । सोनमा गाउँपालिका वडा १ सोनमा ब्रम्ह स्थान स्थित श्री जनता आधारभूत प्राथमिक विद्यालयमा आयोजित छोरी शिक्षा बीमा शिविरको उदघाटन महोतरी क्षेत्र नमबर ४ का सांसद एवम संघीय सरकारको निवर्तमान स्वास्थ्य तथा जनसंख्या राज्य मन्त्री डा सुरेन्द्र कुमार यादवले गरेका छन् ।
उद्घाटन कार्यक्रममा बोल्दै महोतरी षेत्र नम्बर ४ का सांसद डा यादवले छोरी शिक्षा बीमा कार्यक्रमले छोरीहरुको शिक्षामा पहुँच पुग्ने विश्वास व्यक्त गर्नुभएको छ । उहाँले प्रदेश सरकारले ल्याएको यस कार्यक्रमबाट आर्थिक अवस्था कमजोर भएका परिवारका छोरीहरुले शिक्षा पाउने बताउनुभयो । छोरीलाई बोझको रुपमा लिने सोंच बदल्नकै लागि शिक्षा बीमा योजना ल्याइएको यादवले भन्नुभयो ।
सोनमा गाउँपालिका प्रमुख राज कुमार यादवले मानव शुसांकको आधारमा प्रदेश २ शिक्षा र स्वास्थ्यमा धेरै पछाडि परेको महसुस गर्दै प्रदेश सरकारले आकर्षक योजनाको रुपमा यो कार्यक्रम ल्याएको जानकारी गराउनुभयो । साथै प्रदेश सरकारले प्रदेशमा जन्मेका छोरीहरुलाई दिने रकम जति सोनमा गाउँपालिका प्रमुख यादवले आउदो आ व देखि थप ३ लाख दिने घोषण गरेको हुनाले सोनमा गाउँपालिकामा विमा गराउन आउने अभिभावकहरु ह्र्षित भएर उत्साह पूर्वक आफनो छोरीहरुलाई बिमा गराउन आएका थिए ।
आज सोनमा गाउँपालिकामा संचालन गरिएको छोरी बीमा शिबीर कार्यक्रममा वाडा नम्बर १ देखि वाडा नम्बर ५ सम्मका जम्मा १०५ जना छोरीहरुको बिमा भएको वाडा नम्बर १ का वाडा अध्यक्ष एवम गाउँपालिका प्रवक्ता समेत रहेका अशोक कुमार यादवले जनाएका छन । सोनमा गाउँपालिकामा जम्मा दूई दिनसम्म चलने शिबिरमा भोलि सोनमा गाउँपालिका ७ सुन्दरपुरमा रहेका जन्ता मा वि मा वाडा नम्बर ६ देखि वाडा नम्बर ८ सम्मका छोरीहरुकालागि छोरी शिक्षा बिमा संचालन हुने गाउँपालिका अध्यक्ष राज कुमार यादवले जनाएका छन ।
यस अन्तर्गत छोरी शिक्षा बीमाकोलागी मुख्यमन्त्रीको ५ वटा योजनाहरु रहेको बताउँदै प्रवक्ता एवम प्रतिक्षा खबरको स संयोजक अशोक कुमार यादवले छोरीको नाममा शिक्षा विमा मुद्दती खाता संचालन गर्ने,विद्यालयमा छात्रा मैत्री शौचालयको निर्माण गर्ने र सेनेटरी प्याड वितरण गर्ने,छोरीलाई १२ कक्षासम्म निशुल्क शिक्षा प्रदान गर्ने ,बताएका छन ।
प्रदेश २ का मुख्य मन्त्री राउतले महिलाहरुलाई सक्षम र सबल बनाउन निशुल्क रुपमा लोकसेवा तालिम प्रदान गर्ने र छात्रालाई साधनको अभावमा विद्यालय जानबाट बन्चित हुन नदिन साइकल प्रदान गर्ने योजना रहेको जानकारी गराउनुभयो । आजको कार्यक्रममा प्रमुख प्रशासकीय अधिकृत रमेश अधिकारी गापाकी उपाध्यक्ष बिभा देबी साह , लगायत संचालन रहेका वाडाका वडा अध्यक्षहरु कर्मचारी,स्थानीय सुरक्षा निकाय तथा स्थानीयबासी लगायतको उपस्थिति रहेको थियो ।
