भन्सार छली गरी ल्याएको एक लाख भन्दा बढीको किराना सामान बरामद

गोपाल झा
महोत्तरी, अषाढ १२ गते
महोत्तरीको सम्सीबाट प्रहरीले भन्सार छली गरी ल्याईएको एक लाख भन्दा बढीको किराना सरसामानहरु बरामद गरेका छन् ।
जिल्लाको सम्सी गाउँपालिका वडा नं. ६ स्थित बेला सम्सी सडक खण्डमा प्रहरी चौकी सम्सीबाट गस्तीमा खटिएको प्रहरी टोलीले भन्सार छलि गर्दै ल्याईरहेको अन्दाजी १ लाख २० हजार मुल्य बराबरको पेय पदार्थ सहीत किरानाका बिभिन्न सरसामानहरु नियन्त्रणमा लिएको जिल्ला प्रहरी कार्यालयका प्रवक्ता प्रहरी नायब उपरीक्षक प्रकाश विष्टले जानकारी दिएका छन ।
प्रहरीको गस्ती टोलीलाई देख्न साथ भारत बाट लुकाई छिपाई भन्सार छलि गरी ल्याउँदै गरेका चिनी अन्दाजि ८०० किलो माउन्टेन डियु २.२५ लिटरको ७० पिस ,साबुन ४ कार्टुन ,रेडिमेट अचार ८ बट्टा , मोमो लेखिएको कुरकुरे १०० पिस फोफि २ पिस
टर्चलाईट सानो थान ३, ठुलो थान ३, सम्राट गुट्का २ प्याकेट र (जर्दा पति) २ प्याकेट राजनिवास गुट्का २ प्याकेट र जर्दा पति सहीत अन्दजी रु.१,१२,०००।- एक लाख बारह हजारको सामानहरु प्रहरीले नियन्त्रणमा लिएको छ । भारत बाट भन्सार छली गरी ल्याउादै गरेको ब्यक्तीले प्रहरी टोलीलाई देखे पछी उक्त सामानहरु फाली मानीस फरार भएको र समानहरलाई नियन्त्रणमा लिई आवश्यक कारवाहीको लागी जलेश्वर भन्सार कार्यालय मलिवारा पठाईएको जिल्ला प्रहरी कार्यालय महोत्तरीले जनाएको छ ।