महोत्तरीको उत्तरी क्षेत्र बाट लागूऔषध गाँजा बरामद

गोपाल झा
महोत्तरी १५ जेष्ठ
महोत्तरी र सर्लाहीको उत्तरी सिमा क्षेत्र बाट प्रहरीले मोटर साईकल सहीत लागुऔषध गाँजा बरामद गरेको छ ।
जिल्लाको बर्दिवास नगरपालिका-११ खैयरमारा र सर्लाहीको सीमामा पर्ने बाँके खोलाको बाँध नजिकबाट ५ किलो लागूऔषध गाँजा महोत्तरी प्रहरीले बरामद गरेको छ ।
आइतबार बिहान करिब ८ बजे ना.२३ प.१३४३ नं. को मोटरसाईकलमा कालो प्लाष्टिकमा पोको पारी अन्दाजी ५ किलो गाँजा लुकाई छिपाई सर्लाही तर्फ लैजादै गरेको अवस्थामा प्रहरी चौकि खयरमाराबाट गस्तीमा खटिएको प्रहरी टोलीलाई देख्ने बितिकै गाँजा सहित उक्त मोटरसाईकल छोडी गाँजा कारोबारी सर्लाही तर्फ फरार भएको प्रहरीले जनाएको छ ।
,उक्त गाँजा र मोटरसाईकल बरामद गरी फरार व्यक्तिको खोजतलास तथा थप अनुसन्धान भई रहेको जिल्ला प्रहरी कार्यालय महोत्तरीले जनाएको छ ।