स्थानीय चुनावका लागि महोत्तरी सहित आज र भोली उम्मेदवारी दर्ता , निर्वाचन आयोग

गोपाल झा
महोत्तरी , ११ बैसाख
निर्वाचन आयोगले स्थानीय तह निर्वाचनका लागि आज र भोली सोमबार बिहान १० बजेदेखि साँझ ५ बजेसम्म मनोनयन पत्र दर्ता को लागी समय तय गरेको छ ।
महोत्तरी सहीतका स्थानीय तह निर्वाचन आउन २० दिन बाँकी रहँदा आयोगले गरेको पत्रकार सम्मेलनमा प्रत्येक निर्वाचन अधिकृतको कार्यालयमा तोकिएका सबै प्रक्रिया पूरा गरेर उम्मेदवारी दर्ता गर्न सकिने जनाएको छ ।
सोमवार साँझ ५ बजे सम्म दर्ता भएका उम्मेदवारीबारे १३ गते दाबी विरोध वा उजुरी दर्ता गर्ने, १४ र १५ गते जाँचबुझ गर्ने र १७ गते निर्वाचन चिन्ह प्रदान गर्ने समय तोकिएको आयोगका प्रवक्ता शालिग्राम शर्मा पौडेलले जानकारी दिए ।
बैशाख ३० गतेका लागि तय भएको स्थानीय तह निर्वाचनका लागि आइतवार र सोमवार मनोनयन दर्ताको समय तोकिएको छ ।
निर्वाचन आयोगले बहालवाला जनप्रतिनिधिलाई उम्मेदवार बन्न राजीनामा गर्नुपर्ने आचार संहिता जारी गरेपछि महोत्तरीका १५ स्थाानिय तहमा जनप्रतिनिधिहरूले राजीनामा गरेका विवरणहरू आएका छन् ।
यता चुनाबी गठबन्धनमा तालमेल नमिल्दा आज सम्म महोत्तरीका कतिपय स्थानिय तहमा गठबनधनमा रहेका पाटीको उमेदबारको नाम तय गर्न सकेका छैनन् ।