एमसीसी संसदमा आज टेबल नहुने, अन्तिम छलफल गर्न भोली गठबन्धनको बैठक बस्ने

काठमाडौं, फागुन ४ गते ।
संसदमा बुधवार एमसीसी टेबल नहुने भएको छ ।
नेकपा माओवादी केन्द्रका अध्यक्ष पुष्पकमल दाहाल प्रचण्ड संसदीय दलको निर्णय सहित प्रधानमन्त्री निवास बालुवाटारमा प्रधानमन्त्री शेरबहादुर देउवा सँग पुगेपछि भएको छलफलमा एमसीसी आज टेबल नगर्ने सहमति भएको हो ।
कार्यव्यवस्था परामर्श समितिको बैठक बसिरहेकै बेला देउवा र प्रचण्डबीच सहमति भएको हो।
यता एमसीसीबारे छलफल गर्न गठबन्धनको बैठक प्रधानमन्त्री निवास बालुवाटारमा भोलि ३ बजेका लागि बैठक बोलाइएको हो ।
अध्यक्ष प्रचण्डका स्वकीय सचिव रमेश मल्लले एमसीसीबारे अन्तिम छलफल गर्न बिहीबार दिउँसो ३ बजेका लागि गठबन्धन बैठक तय भएको जानकारी दिए ।