१० हजार भन्दा बढीमा कोरोना संक्रमण पुष्टि

काठमाडौँ, माघ ४ गते ।
नेपालमा आज १० हजार २५८ जनामा कोरोना संक्रमण पुष्टि भएको छ ।
पछिल्लो २४ घण्टामा १० हजार भन्दा बढीमा कोरोना संक्रमण पुष्टि भएसँगै यो नेपालमा संक्रमण भित्रिएयता एकैदिनमा पुष्टि भएको सबभन्दा धेरै संख्या हो ।
यसअघि २०७८ साल वैशाख २८ गते ९ हजार ४८३ जनामा कोरोना संक्रमण पुष्टि भएको थियो ।
देशभरमा २२ हजार ८२८ जनाको परीक्षण गरिएको स्वास्थ्य तथा जनसंख्या मन्त्रालयले जनाएको छ । १७ हजार ८७२ जनाको पीसीआर टेष्ट गर्दा ८७३० र १० हजार २५८ जनाको एन्टीजेन परीक्षण गर्दा १५२८ जनामा संक्रमण पुष्टि भएको हो ।
प्रादेशिक जनस्वास्थय प्रयोगशाला जनकपुरधाममा ८३ जनाको परिक्षण गर्दा ७६ जनामा संक्रमण पुष्टि भएको छ ।
त्यस्तै नारायणी अस्पताल वीरगञ्जमा ५१ मा ३६, मलंगवा अस्पतालमा ३० मा २१ जनामा संक्रमण पुष्टि भएको छ । हाल देशभर ३९ हजार ४४ संक्रिय संक्रमित छन् ।