तराई मधेशको बजारमा बढ्यो चिउरा, मुरही लगायत समानहरुकाे व्यापार

तिला संक्राइत भाेलि हुने भएकाेले गाउँघरका हटबजारमा तिल, चिउरा, मुरही र सख्खर( मिठ्ठा))लगायत सरसमानहरुकाे बिक्री बढेको छ ।
माघ १ गते माघे संक्रान्तिका दिन तराईबसी तिला संक्राइतका रुपमा मनाउ छन् । संक्राइतका दिन सख्खर मिसाएर बनाएको तिल, चिउरा, मुरहीकाे लड्डु खाने चलनले गर्दा पनि यहाँका बजारहरुमा यि सामानहरुको बिक्री यतिखेर बढेको हो ।
अरुबेला जुन बजारमा तीन चार वटा चिउरा मुरहीका पसल देखिन्थ्यो भने अहिले दुई दर्जनभन्दा बढी पसल खुलेका छन् । यो समयमा चिउरा मुरहीको बिक्री बढी हुने भएकाले पसलको सङ्ख्या बढेको व्यापारीहरुले नै बताए ।
यस वर्ष चिउरा र मुरहीको मुल्य यथावत् भएपनि तिलको मुल्यमा कमी आएकोे छ । प्रति किलोग्राम चिउरा ५०देखि ५५ र मुरही ७०देखि७५ रुपैयाँमा बिक्री भइरहेको छ भने अधिल्लो वर्ष तीन सय रुपैयाँसम्ममा बिक्री भएको तिलको मुल्यमा कमी भएर २०० देखि २८० सम्म बेचबिखन भइरहेको व्यापारीले जनाए ।
यस्तै सख्खरको मुल्यमा वृद्धि भएको छ । अधिल्लो वर्ष यही सिजनमा ६० देखि ७० रुपैयाँमा बिक्री भएको सख्खरको मुल्य बढेर ८० देखि ९० रुपैयाँमा बिक्री भइरहेको देखे ।