त्रिपालमुनी छोपिएको रेलको सफल परिक्षण

जनकपुरधाम, पुस २४ गते ।
धनुषाको इनर्वा स्टेशनमा राखिएको नेपाली रेलको सफल परिक्षण गरिएको छ ।
खरिद गरेर ल्याएपछि त्रिपालमुनी राखिएको रेलको पूनः परिक्षण गरिएको छ । २०७७ साल असोज २ गते नेपाल भित्राइएको दुई सेट रेल धनुषाको इनर्वामा त्रिपालमुनी राखिएको थियो ।
रेल्वे ट्रैक, इन्जिनको अवस्था बुझ्नका लागि इनर्वाबाट जनकपुरधामको कुर्थासम्म नेपाली रेल परिक्षणका लागि गुडाइएको रेल्वेका अधिकारीहरुले जानकारी दिएका छन् ।
रेल्वे चलाएर आएका चालक बिएन राईले रेल्वेको अवस्था राम्रो रहेको बताए । उनले रेल्वेमा कुनै समस्या नरहेको बताउँदै उनले भने, ‘रेल्वेमा कुनै समस्या छैन् तर सर्वसाधारणबाट धेरै समस्या छ, ट्रयाकमा आइहाल्छन् ।
नेपाली रेलको ट्रैक निर्माण भएपनि रेल नगुडेपछि रेल गुड्ने नगुड्ने संका बिच तयारी स्वरुप परिक्षण गरिएको बताइएको छ । नेपाल रेल्वेका महाप्रबन्धक निरञ्जन झाले नेपाली भूमिमा रेल गुडाउने सम्पूर्ण तयारी पूरा भई सकेको जानकारी दिए ।
फेब्रुअरी १० तारिख भित्रै रेल गुडाउने आफुहरुको तयारी रहेको भन्दै उनले भने, ‘रेलको इन्जिनको अवस्था, रेल्वे ट्रैकको अवस्था आदि परिक्षणका लागि आज रेल गुडाइएको हो ।
सञ्चालन मिति भने राजनीतिक स्तरबाटै निक्र्यौल लाग्छ ।’ उनले दुई देशकै प्रधानमन्त्रीले रेलको उदघाटन गर्ने भएकोले समय लागि रहेको समेत बताए ।टुडेपाटी डटकम