जसपाकाे खालिद सिद्दिकी र माओवादी तर्फबाट महिला समूहमा उर्मिला अर्यालले गराए मनाेनयन दर्ता

२० पुस, जनकपुरधाम। राष्ट्रिय सभाको निर्वाचनका लागि प्रदेश-२ मा सत्तारुढ गठबन्धनका उम्‍मेदवारले मनोनयन दर्ता गरेका छन् ।
सत्तारुढ गठबन्धनबाट अन्य समूहमा जसपाका मो. खालिद सिद्दिकी र महिला समूहमा माओवादीका उर्मिला अर्यालले उम्मेदवारी दिएकी हुन् । सिद्दिकी सिरहा निवासी हुन् भने अर्याल पर्साकी हुन् ।
प्रदेशका मुख्यमन्त्री लालबाबु राउतसहित जसपाका नेताहरुसमेत निर्वाचन कार्यालय पुगेका थिए। जसपाका कार्यकर्ता र्‍यालीसहित निर्वाचन कार्यालय पुगेका थिए ।
माओवादीका उम्मेदवार अर्याल भने आफ्ना नेतासहित पहिला नै निर्वाचन कार्यालय पुगेकी थिइन् ।
निर्वाचन कार्यालय पुगेका मुख्यमन्त्री राउतले आफ्नो गठबन्धन धेरै फरक मतले जित्नेमा कुनै शंका नरहेको बताए ।