सर्लाहीकाे लालबन्दी नगरपालिकामा ट्रकको ठक्ककरबाट एक विद्यार्थीको ज्यान गयो

रासस-
सर्लाही, पुस ५ गते ।
पूर्वपश्चिम लोकमार्गअन्तर्गत सर्लाहीको लालबन्दी नगरपालिका–९, बस्तीपुर चोकमा सोमबार बिहान ट्रकले ठक्कर दिँदा एक विद्यार्थीको मृत्यु भएको छ।
प्रहरीका अनुसार पश्चिमतर्फ जाँदै गरेको ना ३ ख ७९९० नम्बरको ट्रकले ठक्कर दिँदा स्थानीय जनज्योति माविमा कक्षा ९ मा अध्ययनरत चन्द्रनगर गाउँपालिका–१ का १६ वर्षीय दीपेन्द्रकुमार यादवको मत्यु भएको हो।
इलाका प्रहरी कार्यालय (लालबन्दी) का कार्यालय प्रमुख प्रहरी निरीक्षक निर्मल थापाका अनुसार ट्युसन पढ्न जाने क्रममा हिँडिरहेका उनलाई ट्रकले ठक्कर दिएको हो। ठक्कर दिने ट्रक र चालकलाई प्रहरीले नियन्त्रण लिएको छ। रासस