प्रदेश २ सरकार आफ्नै छापाखाना खाेल्न, मन्त्री साहले गरे भूमि पूजन

जनकपुरधाम, मंसिर ६ गते
प्रदेश २ सरकारले आफ्नै प्रदेश मुद्रण छापाखाना स्थापना गर्न लागेको छ । सोमबार आन्तरिक मामिला तथा सञ्चारमन्त्री भरत प्रसाद साहले प्रदेश मुद्रण छापाखाना भवन निर्माण गर्न भूमि पुजन गरेका हुन् ।
२ करोड रुपैयाँको लागनमा निर्माण हुन लागेको प्रदेश मुद्रण छापाखाना भवनमा दुई वटा स्टोरेज ३६ स्क्वायर फिटमा रहने जनाइएको छ । प्रदेश मुद्रा छापाखाना भवन एक वर्ष भित्र जेबी शर्मा फाउन्डेशनले निर्माण गर्ने जनाइएको छ ।
प्रदेश सरकारको आफ्नै छापा खाना भएपछि प्रदेश सरकारले प्रकाशित गर्ने गरेका विभिन्न छापा तथा मुद्रण आफै प्रकाशित गर्नेछन् । रेडबुक देखि विभिन्न किसिमका दस्तावेजसमेत आफै प्रकाशित गर्नका लागि छापाखाना स्थापना गर्न लागिएको मन्त्री साहले बताइएको छ ।