प्रदेश २ को अस्थायी राजधानी जनकपुरधाममा हिन्दु मुस्लिमान समुदायबीच झडप भएको छ ।
गत दुई दिनअघि जनकपुरधाम उपमहानगरपालिका २० रुपैठामा छठ पर्वमा मनाउन हिन्दु धर्मावलम्बीहरुलाई मुस्लिम समुदायले अवरोध गरेपछि उत्पन्न विवाद अहिले झडप हुँदै दंगामा परिणत भएको हो ।
दुवै पक्षको विवाद उग्र लिई झडप हुँदै दंगामा परिणत भएपछि सयौंको संख्यामा प्रहरी परिचालन गरिएको छ । घटनामा चारजना सशस्त्र प्रहरी, एक नेपाल प्रहरी र एक स्थानीय महिला सहित ६ जना घाइते भएको जिल्ला प्रहरी कार्यालय धनुषाका प्रहरी उपरिक्षक वसन्त रजौरेले जनाएको छ ।
प्रहरीमाथि समेत आक्रमण गर्न थालेपछि तनावपूर्ण अवस्थालाई साम्य पार्न प्रहरीले दर्जनौ राउण्ड आश्रुग्यास प्रहार गरिसकेको छ । एक÷डेढ घण्टा तनावपूर्ण अवस्था रहेपनि दुवै पक्षले संयमता अपनाएपछि अवस्था साम्य भएको प्रमुख जिल्ला अधिकारी वन्धु प्रसाद वास्तोलाले जनाएको छ ।
उनले भने केही व्यक्ति एक अर्काको घेराबन्दीमा पनि रहेपनि तिनीहरुलाई निकाल्ने काम भइरहेको छ । अप्रिय दुर्घटना हुन नदिन रुपैठा सहित चारै कुनामा व्यापक संख्यामा प्रहरी परिचालन र निषेधाज्ञा जारी गरिएको प्रमुख जिल्ला अधिकारी वन्धु प्रसाद वास्तोलाले जनाएको छ ।
यसैबीच जिल्ला प्रशासन कार्यालयद्वारा तनावपुर्ण अवस्थाको दृष्टिगत गर्दै आज २ बजेदेखि भोली राति १० बजेसम्मका लागि सो क्षेत्रमा निषेधाज्ञा जारी गरेको छ । रुपैठा प्रवेश गर्ने चारै नाका पुर्वमा जलाद नदीको कलरी बाँध, पश्चिममा जनकपुर जटही मार्ग दोबादो, उत्तरमा हनुमाननगर रामपुर बहुअर्वा जाने बाटो र दक्षिणमा देवपुरा निमचोकदेखि बहुअर्वा जाने बाटोसम्म प्रवेश निषेध गरिएको छ ।
गत २४ गतेका दिन स्थानीय तेलिया पोखरीमा हिन्दु समुदायले छठ मनाउन घाट बनाउन लाग्दा मुस्लिम समुदायका व्यक्तिहरुले अवरोध गरेपछि विवाद उत्पन्न भएको थियो । सो दिन लाठी, भाला, गर्छीले भएको दुई पक्षीय झडपमा परी चारजना घाइते भएको थियो ।
सो विवाद सल्टिन नपाउंदै आज हिन्दुवादी संगठनले जनकपुरधामको नगर प्रदर्शन गर्दै रुपैठामा गएका थिए । प्रदर्शन पश्चात पुनः दुवै समुदायबीच विवाद हुँदै उग्ररुप लिई साम्प्रादयिक दंगामा परिणत भएको थियो । हिन्दुवादी संघ संगठनले प्रदर्शन गर्दै रुपैठा छिर्न खोजेपछि प्रहरीले हस्तक्षेप गरेर रोकेपनि त्यसको केही क्षिणपछि विवाद उग्र लिएको थियो । यहिले रुपैठामा हिन्दु र मुस्लिम समुदाय विच झडप जारी नै रहेको छ भने जनकपुरधाम जटही सडक खण्ड पुर्णरुपेण प्रहरीले बन्द गरिएको छ ।
स्थानीय ओम प्रकाश पण्डितले मुस्लिम समुदायका व्यक्तिहरुले आफूहरुको घर घरमा घुसेर कुटपिट गरिरहेको छ । मुस्लिम बाहुल्य क्षेत्र भएको कारण कुनैपनि समय अप्रिय घटना हुन सक्ने उनको भनाई छ । हुनत सुरक्षाका लागि व्यापक संख्यामा प्रहरी परिचालन गरिएको छ ।
स्थानीय तेलिया पोखरीको चारैतिरबाट दुवै समुदायले अतिक्रमण पारेका छन । सडक छेउ निर मुस्लिम समुदायले अतिक्रमण गरी त्यसमा पहिला दाहा राख्ने गरेको थियो, तर केही दिनयतादेखि कुखुराको मासु पसल संचालन गर्दै आएको छ ।
हिन्दु समुदायले सोही ठाउँमा छठ मनाउन जाँदा मुस्लिम समुदायले आफ्नो जग्गा रहेको भनी छठको घाट बनाउन नदिने, घाटमा कुखुराको प्वाँख फाल्ने लगायतका कार्य गरेर प्रत्येक वर्ष अवरोध गर्दै आएको छ ।
जनकपुरधाम उपमहानगरपालिकाको मातहतमा रहेका सो पोखरीलाई जिर्णोद्धार गर्न नसक्दा दुवै समुदायका व्यक्तिले अतिक्रमण गरेर बसेको कारण विवाद हुदै गरेकाे वडाध्यक्ष भोगेन्द्र झाले बताएका छन ।
उनले यसमा प्रमुख दोषी जनकपुरधाम उपमहानगरपालिका रहेको भन्दै पोखरीलाई व्यवस्थापन गर्न अतिक्रमण मुक्त नगरेसम्म विवाद कायमै रहने बताएका छन ।सभार
लोकपुकार डटकममा
