रौतहटको गुजरामा १० मिनेटको हावाहुरीले ३५ घरमा क्षति

२८ जेष्ठ,
रौतहटमा १० मिनेटको हावाहुरिले ३०-३५ घरका छानाहरु उडाएका छन । रौतहटको गुजरा नगरपालिकाको वडा नम्बर ३ स्थित नयाँ टोलमा रहेका टायल , खर तथा खपडाका छानाबाट बनाईका घरहरुका छाना उडाएको स्थानिय बिनोद माझीले बताउनु भयो । शुक्रबार मध्यान्त १२ बजे आएको १० मिनेटको सो हावाहुरीले ३०—३५ घरका छानाका टायल , खपडा तथा खर उडाउनुका साथै बासका टाटीका भित्ताहरु भत्काइएको माझीले बताउनु भयो । दिउसो खाना खाने समयमा हावाहुरी आएकाले मानवीय क्षति नभएपनि स्थानिय गोपाल माझीलाई सामान्य हातमा चोट लागेको जनाइएको छ । गुजरा नगरपालिकाका जंगलसैया , बलुवा लगायत रौतहटका विभिन्न स्थानमा सो हावाहुरीले लाखौको. घर तथा अन्नबालीमा समेत क्षति पुर्याएको हुन सक्ने स्थानियले बताएका छन ।