मधेशी आयोगका माननीय अध्यक्ष डा.विजयकुमार दत्तज्यू तथा प्रदेश २ का माननीय प्रमुख डा.राजेश अहिराज बीच आज प्रदेश प्रमुखको कार्यालय, जनकपुरधाममा गहन छलफल भएको छ | प्रदेशको समसामयिक विषयहरुमा छलफल भएको थियो | सो छलफलमा मधेशी समुदायको हक हितको संरक्षण, सम्बर्धन तथा सशक्तिकरणको लागि आगामी दिनहरुमा मधेशी आयोग र प्रदेश प्रमुखको कार्यालय कसरी सहकार्य गरेर प्रभावकारी रुपमा अगाडी बढ्ने भनेर गहन छलफल भएको थियो |
सो छलफलमा प्रदेश प्रमुख मा.राजेश अहिराजज्यूले प्रदेश प्रमुखको कार्यालय बाट हुनसक्ने सहयोगहरुमा वहाँ र कार्यालय सधै तयार रहेको बताउनुभयो | मधेशी आयोगका माननीय अध्यक्ष डा.विजयकुमार दत्तज्यूले अब आउने दिनहरुमा प्रदेश प्रमुखको कार्यालय संग सहकार्य गरि प्रदेश-२ मा प्रभावकारी ढंगले कार्यक्रमहरु गरिने बताउनुभयो |
