बन्दुकधारीहरूको आक्रमणमा ८८ जनाको ज्यान गयाे

जेठ २३ गते । बन्दुकधारीहरूको आक्रमणमा परी नाइजेरियामा कम्तीमा ८८ जनाको ज्यान गएको छ। देशको उत्तर पश्चिमी क्षेत्रमा पर्ने केब्बी राज्यमा भएको घटनामा परी अरु कैयौँ घाइते भएको अधिकारीहरूले जनाएका छन्।
डाको–वासागु क्षेत्रमा विभिन्न आठ समुदायका उच्छृङ्खल समूहहरूबीच भिडन्त भएको प्रहरीको भनाई छ। घटनास्थलबाट प्रहरीले सुरुमा ६६ वटा शव निकालेको बताएको थियो।
तर पछि ८८ शव निकालिएको स्थानीय प्रहरी प्रवक्ता नाफिउ अबुबाकरले जानकारी दिए। थप घटना हुन नदिनका लागि सुरक्षा फौजले सुरक्षा सतर्कता बढाएको छ। स्थानीय बासिन्दा त्रसित अवस्थामा रहेका छन्। यसअघि गत अप्रिलमा पनि सोही ठाउँमा नौ प्रहरी र दुई जना नागरिक पनि आक्रमणमा परी मारिएका थिए। रासस