शहिद शेखर स्मृति नकआउट फुटवल प्रतियोगिता शुरु, युवाहरुको सहयोगका लागि नगरपालिका तयार नगरप्रमुख महतो

गौशाला, माघ १२ गते ।
महोत्तरीको गौशालामा पहिलोपटक शहिद शेखर स्मृति नकआउट फुटवल प्रतियोगिता शुरु भएको छ । सोमबार गौशाला नगरपालिका ८ बेलगाछीको खेलमैदानमा एक समारोहकाबीच सो प्रतियोगिता शुरु भएको हो ।
शहिदहरुको स्मृतिमा नगरपालिकाले ट्ष्ट निर्माण गरिने उदघाटन समारोहलाई सम्बोधन गर्दै नगरप्रमुख शिवनाथ महतोले बताए । शहिदहरुको सम्मानमा ट्ष्ट स्थापना गर्न आग्रह गर्नुहुँदै नगरप्रमुख महतोले सो ट्ष्टमा १० लाख बराबरको रकम सहयोग गर्ने प्रतिवद्धता जनाउनुभयो । खेलकुदमा हारजित निश्चित रुपमा हुने भएकोले अनुशासित, मर्यादित र नियमपुर्वक खेल खेल्नका लागि आग्रह गर्नुभयो । एक अर्को प्रसंगमा महतोले युवाहरुको सहयोगका लागि नगरपालिका हरपल तयार रहेको धारणा राख्नुभयो ।