आज राम र जानकीको मटकोर, भोलि विवाह

प्रतिक्षाखबर
जनकपुरधाम, मंसिर १४ गते
सप्ताहव्यापी विवाहपञ्चमी महोत्सवको पाँचौदिन आज राम र जानकीको मटकोर मनाइँदै छ । जनकपुरको धार्मिक तथा एतिहासिक गंगासागरमा पुगेर आज दिउँसो मिथिलाको परम्परा अनुसार राम र जानकीको मटकोर गर्ने कार्यक्रम रहेको छ ।
आज मटकोटर सकिएपछि भोली शनिबार जनकपुरमा भगवान राम र जानकीको डोला फेर गरी सोयम्बर र विवाहको काज हुने छ ।
सप्ताहव्यापी सीताराम विवाहपञ्चमीको पहिलो दिन नगर दर्शन, दोश्रो दिन फुलबारी लिला, तेश्रो दिन धनुष यज्ञ, चौथो दिन तिल्कोत्सव सम्पन्न भइसकेको छ ।
भोली विवाह र आइतबार राम कलेवा गरी विवाहपञ्चमी महोत्सव विधिवत सम्पन्न हुने जानकी मन्दिरका महन्त रामतपेश्वर दासले जानकारी दिए ।