कोहलपुर, मंसिर १६ गते ।
बाँकेमा दुई समुहका बीचमा झडप हुँदा एक जनाको मृत्यु भएको छभन्ने ९जना घाइते भएकन छन ।
सोमवार बेलुका जिल्लाको जानकी गाउँपालिका वडा नं। ५ बनियाँ गाउँमा यादव र गुप्ता समूहका बीचमा पुरानो रिसिबीलाई लिएर भएको झडपमा परि स्थानीय ५४ वर्षीय धनिराम यादवको मृत्यु भएको छ।
उनको बेलुका ८ बजेतिर नेपालगञ्ज नरसिंह कलेजमा मृत्यु भएको जिल्ला प्रहरी प्रवक्ता डिएसपी सुवास खड्काले जानकारी दिए।
झडपमा परि स्थानीय ५४ वर्षीय धनिराम यादवको मृत्यु भएको प्रहरीले जनाएको छ ।
उनको बेलुका ८ बजेतिर नेपालगञ्ज नरसिंह कलेजमा मृत्यु भएको जिल्ला प्रहरी प्रवक्ता डिएसपी खड्काले जानकारी दिए। उनका अनुसार मृतक यादवको टाउकोमा गहिरो चोट लागेको थियो।
पूर्णिमाको अवसरमा सोमबार बेलुका लागेको मेलामा दुई समुहबीच झडप भएको हो । प्रहरीका अनुसार मेलामा पुगेका नरेश गुप्तामाथि यादब समुहले कुटपिट गरेको थियो
त्यसपछि थप दलबलसहित पुगेका दूई समुहका बीचमा लाठी, भाटाको प्रयोग गरी कुटाकुट भएको थियो । दोहोरो झडमा परेर ९ जना घाइते भएका छन् । घाइतेहरुको बाँकेका विभिन्न अस्पतालमा उपचार भइराखेको छ ।
यसैबीच प्रहरीले घटनामा संलग्न दुबै समुहका गरि ११ जनालाई नियन्त्रणमा लिएको जनाएको छ। झडपमा संलग्न रहेका मध्य केही फरार रहेको र उनीहरूको खोजी कार्य जारी रहेको प्रहरीले बताएको छ।
स्थिति नियन्त्रणमा लिन जिल्ला प्रहरी प्रबक्ता खड्काको कमाण्डमा झन्डै एक सयको हाराहारीमा नेपाल प्रहरी र २५ जना सशस्त्र प्रहरी परिचालन भएको प्रहरीले जानकारी दिएको छ।
‘घटनास्थलवाट म पनि विहान २ बजेमात्रै फर्किएको हो,’ डिएसपी खड्काले भने ‘अहिले पनि प्रहरी र सशस्त्र प्रहरीको एउटा टोली त्यही खटिएको छ।’
उनले अहिले त्यहाँको स्थिति सामान्य भइसकेको जानकारी दिए।
