बुधबार आयोगले उनीहरूलाई स्पष्टीकरण सोधको हो । सप्तरी जिल्ला निर्वाचन क्षेत्र नं. २ मा उम्मेदवार रहेका राउतलाई सार्वजनिक स्थान (चौबाटोमा) आफ्नो निर्वाचन चिह्न र झण्डाको तोरण बनाई प्रदर्शन गरेको भन्ने उजुरी प्राप्त भएको भन्दै तीन दिनभित्र स्पष्टीकरण पेस गर्न भनिएको छ ।
त्यस्तै आयोगले गतिशील लोकतान्त्रिक पार्टीको तर्फबाट काठमाडौँ प्रतिनिधि सभा सदस्य निर्वाचन क्षेत्र नं. ५ मा उम्मेदवार रहेकी निशा अधिकारीलाई पनि तीन दिनभित्र स्पष्टीकरण पेस गर्न भनिएको छ ।
अष्ट्रेलियामा रहेका नेपालीलाई स्वयंसेवक आवेदन फाराम पठाई क्यूआर कोडबाट आफ्नो अभियानलाई सहयोग गर्न सक्ने भन्दै आयोगमा उजुरी परेको थियो ।
आयोगले राष्ट्रिय स्वतन्त्र पार्टी(रास्वपा)बाट बाँके क्षेत्र नम्बर ३ मा उम्मेदवारी दिएका खगेन्द्र सुनारलाई पनि तीन दिने स्पष्टीकरण सोधेको छ ।
राष्ट्रिय जनावर गाईलाई लिएर साम्प्रदायिक विद्वेष फैलाउने गरी सूचना प्रवाह गरेको भन्ने जानकारी प्राप्त हुन आएकाले उक्त आचारसंहिताको उल्लङ्घन हुने कार्य तपाईँबाट भएको हो वा होइन ? भन्दै आयाेगले सुनारलाई स्पष्टीकरण सोधेको हो ।
