रामगाेपालपुर,फाल्गुन २१ गते हुने प्रतिनिधि सभा सदस्य निर्वाचनका लागि ने.क.पा.(एमाले) महोत्तरी क्षेत्र नं.–४ बाट मधेश प्रदेशका पूर्व मुख्यमन्त्री माननीय एवम महाेतरी क्षेत्र नं४क काे प्रदेश सांसद सरोज कुमार यादवको एकल नाम सर्वसम्मतिले सिफारिस गरिएको छ।
पार्टीको जिल्ला तथा क्षेत्रीय समितिको संयुक्त बैठकले सराेज कुमार यादवकाे नाम अघि सार्ने निर्णय गरेको हो। बैठकमा सहभागी नेताहरूले यादवको राजनीतिक अनुभव, संगठन सुदृढीकरणमा पुर्याएको योगदान तथा मधेश प्रदेशको नेतृत्व गर्दै हासिल गरेका उपलब्धिलाई ध्यानमा राख्दै एकल नाम सिफारिस गरिएको जनाएका छन्।
नेताहरूका अनुसार यादवले प्रदेश सरकारको नेतृत्व गर्दा विकास, सुशासन र समावेशी नीतिलाई प्राथमिकता दिएका थिए। सोही कारण पार्टीभित्र मात्र होइन, स्थानीय तहमा पनि उहाँप्रति सकारात्मक जनमत रहेको बताइएको छ।
निर्वाचन क्षेत्र नं.–४ मा पार्टी संगठन मजबुत बनाउने तथा मतदाताको विश्वास जित्ने क्षमता उहाँसँग रहेको निष्कर्ष बैठकले निकालेको छ। यादवले पार्टीले दिएको विश्वासप्रति आभार व्यक्त गर्दै जनताको अपेक्षा पूरा गर्ने प्रतिबद्धता जनाएका छन्। उनले महोत्तरी–४ का नागरिकका समस्या समाधान, विकास निर्माण र रोजगारीका अवसर सिर्जनामा आफू केन्द्रित रहने बताए।
ने.क.पा.(एमाले) महोत्तरीले अब निर्वाचन अभियानलाई तीव्र बनाउँदै घरदैलो कार्यक्रम, जनभेटघाट र संगठन विस्तारका गतिविधि अघि बढाउने तयारी गरेको जनाएको छ।
