काठमाडौँ । नेकपा एमालेले उपेन्द्र यादव नेतृत्वको जसपा नेपालले सरकारलाई दिएको समर्थन फिर्ता गर्ने भन्ने निर्णय जानकारीमा आएको बताएको छ ।
बुधबार बसेको एमाले सचिवालय बैठकपछि उपमहासचिव प्रदीप ज्ञवालीले जसपा नेपालले समर्थन फिर्ता लिने भनेर निर्णय जानकारीमा आएपनि औपचारिक रूपमा संसद्लाई जानकारी गराइनसकेको बताए ।
‘तर उहाँहरूले त्यसो नगर्नुभएको भए हुन्थ्यो भन्ने हाम्रो चाहना हो किनभने फिर्ता गर्नुपर्ने कारण देखिँदैन’, ज्ञवालीले भने, ‘यसअघि उहाँहरूले भूमिसम्बन्धी अध्यादेशमा रिजर्भेसन राखेकाले हामीले स्थगन पनि गरेका थियौ ।’
