काठमाडौँ । राजधानीबाट अर्का बंगलादेशी नागरिक पनि पक्राउ पक्राउ परेका छन् । पक्राउ पर्नेमा अम्ब्रोज रोजारियो रहेको काठमाडौँ उपत्यका अपराध अनुसन्धान कार्यालयले जनाएको छ ।
पर्यटक भिषामा नेपाल आई नयाँबसपार्क क्षेत्रमा बसेर भ्रमण उद्देश्य विपरीत नेपाली तथा बंगलादेशी नागरिकहरूलाई सर्विया, माल्टा लगायतका देशहरूमा पठाई दिने भन्दै ठगी गर्ने गरेको सूचनाका कार्यालयले उनलाई नयाँबसपार्कबाटै पक्राउ गरेको हो ।
उनलाई अनुसन्धान तथा आवश्यक कारबाहीको लागि अध्यागमन विभाग कालिकास्थान पठाईएको छ । उनको साथबाट ५ जना नेपाली पासपोर्ट समेत बरामद भएको छ ।
यसअघि शनिबार पनि प्रहरीले ७ जना बंगलादेशीलाई पक्राउ गरेको थियो ।
