महोत्तरीकाे औरही नगरपालिकामा कोदालाे प्रहार गरी देवरले भाउजुको हत्या गरेको छ।दुवैजनाकाे घर बनाउने कुरामा विवाद हुँदा मृतककाे देवरले भाउजुलाई कोदालो प्रहार गरेका थिए । कोदालो प्रहारबाट गम्भिर घाइते भएकी भाउजुको मृत्यु भएको प्रहरीले जनाएको छ।
औरही नगरपालिका वडा नं ४ कबिलासाकि अन्दाजी ४५ वर्षीय रामरतन यादवले ५० वर्षिया भाउजु रितादेवी यादवको टाउकोमा कोदालोले हिर्काउँदा उनको मृत्यु भएको जिल्ला प्रहरी कार्यालयले बताएका छन । गम्भीर घाइते भएकी रितादेवी यादवलाई उपचारको लागि रामगोपालपुर नगरपालिका– ९ स्थित जानकी एकेडेमिक अस्पताल लगिएको थियो। तर अस्पाल पुगेपछि चिकित्सकले मृत्यु घोषणा गरे थिए । शव पोष्टमार्टमको लागि जलेश्वर ल्याउने तयारी भइरहेको प्रहरी प्रवक्ता डिएसपी जयसवारले बताए।
कोदालो प्रहार गर्ने देवरलाई प्रहरीले नियन्त्रणमा लिएको छ। मृतक यादव दुई छोरासंगै बस्दै आएकी थिइन्।
