२६ जेठ
सरकारले २०८१ जेठ २४ बिहिबार साउदी अरब,कतार,भारत, अमेरिका, बेलायत, दक्षिण कोरिया, पोर्चुगल, इजरायल, मलेसिया, डेनमार्क र स्पेनका राजदूतलाई फिर्ता बोलाउने निर्णय गरेको छ |
सरकारले साउदी अरबबाट नवराज सुवेदी, कतारबाट नरेशविक्रम ढकाल,भारत बाट शंकर शर्माका अतिरिक्त अमेरिकाबाट प्राध्यापक श्रीधर खत्री, बेलायतबाट पूर्वपरराष्ट्र सचिव ज्ञानचन्द्र आचार्य, पोर्चुगलबाट सलिन नेपाल, इजरायलबाट कान्ता रिजाल, दक्षिण कोरियाबाट ज्योति प्याकुरेल भण्डारी, मलेसियाबाट डिल्लीराम पौडेल, डेनमार्कबाट प्राध्यापक रामस्वार्थ राय र स्पेनबाट शर्मिला पराजुलीलाई फिर्ता बोलाउने निर्णय गरेको हो ।
यसरी बोलाइएका राजदूतमा भारत, अमेरिका, बेलायत, दक्षिण कोरिया, पोर्चुगल र इजरायलमा कांग्रेसको कोटाबाट सिफारिस भई नियुक्त भएका हुन् । यस्तै उपेन्द्र यादवको जनता समाजवादी पार्टी नेपालबाट डेनमार्क र स्पेनमा राजदूत नियुक्त भएका थिए । पूर्वप्रधानमन्त्री बाबुराम भट्टराईको नेपाल समाजवादी पार्टीबाट साउदी अरबमा राजदूत नियुक्त भएका थिए । मलेसिया र कतारमा भने पूर्वप्रधानमन्त्री माधव नेपालको एकीकृत समाजवादी पार्टीबाट नियुक्त भएका थिए ।
