राम गाेपालपुर नगरपालिकामा खोइच भर्नेको भिडभाड

प्रतिक्षा खब
नागेन्द्र कु यादव, रामगाेपालपुर)। रामगाेपालपुर नगरपालिकामा दुई वर्ष यता विजयादशमीमा सर्वाधिक बोकाबली प्रदान, खोइच भर्नेको भिडभाड हुने नगरपालिकाकाे बिच बजारमा माँ दुर्गा भवानीमेलाको आजदेखी शुभारम्भ भएको छ । रामगाेपालपुरकाे बजार स्थित माँ दुर्गा भवानीको आज सप्तमी देखि माता रानीको खोइचा भराइको कार्यक्रम रहेका छन। त्यस्तै, अष्टमी देखि दशमी सम्म तिन दिन बोकाबली प्रदान हुने गर्दछ । यता, जनकपुरधामको राजदेवीमा हुने बोकाबलीको कार्यक्रम भोलि सोमबार अष्टमीको संन्ध्याकालिन देखि चढ्ने मेला आयोजकले जनाएका छन्।
माँ दुर्गा भवानी प्रतिस्ठानले प्रत्येक वर्ष रामगाेपालपुर नगरपालिकामा भब्य मेलाको आयोजना गर्ने गरेको छ । मन्दिरमा महोतरीकीकाे विभिन्नस्थान साथै मित्रराष्ट्र भारत विहारका दर्शनार्थीहरु समेत दर्शन र बोकाबलीका प्रदान गर्न आउने गरेका छन् । यस क्षेत्रमै सर्वाधिक बोकाबली प्रदान रामगाेपालपुर बजार स्थित दुर्गा मन्दिरमै हुने गरेको छ । अपार श्रद्धा र विश्वासका कारण यहाँ भिडभाड हुने गरेको पुजारीले बताउँछन् ।
घटस्थापना देखिनै मेला सुरु हुने भएपनि सप्तमी देखि एकादशी सम्म एकदमै भिडभाड सहित मेला लाग्ने भएकाले यहाकाे मेला प्रसिद्व रहेको नगरप्रमुख साहले बताएका छन । एकादशीका दिन हुने माँ दुर्गा भवानीको भसौनी कार्यक्रम मा पनि अत्याधिक भिडभाड हुने गरेकाले यो मेला चर्चित छ । मेलामा आकर्षक सांस्कृतिक कार्यक्रम सहितका विभिन्न गतिविधी मेलाको आकर्षण हुने गर्दछ ।