प्रेस मञ्च नेपाल महोत्तरीका नवनिर्वाचित पदाधिकारीहरु सम्मानित

प्रेस मञ्च नेपाल महोत्तरीका नवनिर्वाचित पदाधिकारीहरु सम्मानित भएका छन् । उनीहरुलाई एक कार्यक्रमबीच पूर्व स्वास्थ्य राज्यमन्त्री डा. सुरेन्द्र यादवले गमछा ओढाएर सम्मान गरेका छन् ।
जानकी एकेडेमीक हस्पिटल रामगोपालपुरले आयोजना गरेको दसैं, दिपावली तथा छठ पर्वको शुभकामना आदान प्रदान कार्यक्रममा प्रेस मञ्च नेपाल आवद्ध पत्रकारहरु सम्मानित भए ।
यादवले प्रेस मञ्च महोत्तरी शाखा लगायत प्रेस मञ्चका केन्द्रीय सदस्य रामहृदय यादव, धनुषा जिल्ला अध्यक्ष अर्जुन मण्डल लगायत अन्य पत्रकारहरु समेत सम्मानित भए ।
सोनमा गाँउपालिकाको पुर्व अध्यक्ष राजकुमार यादवको अध्यक्षतामा भएको कार्यक्रममा पुर्व स्वास्थ्य राज्यमन्त्री डा. सुरेन्द्र यादव, मधेस प्रदेशका पुर्व कानुन राज्यमन्त्री सरोजसिंह कुशवाहा, विभिन्न पालिकाका नगर प्रमुख, उपप्रमुख, वडा अध्यक्ष, स्वास्थ्य शाखाको अधिकृत, प्रमुख प्रशासकीय अधिकृतहरुको उपस्थिति रहेको थियो ।