जानकी एकेडेमीक हस्पिटलः आमा सुरक्षा कार्यक्रम निःशुल्क

महाेतरीकाे दक्षिणी क्षेत्रमा सञ्चालित जानकी एकेडेमीक हस्पिटलमा निशुल्क आमा सुरक्षा कार्यक्रम सुचारु भएको छ ।
अस्पताल सञ्चालक समितिले आइतबार एक कार्यक्रमको आयोजना गरी सो कार्यक्रम सुरु भएको जनाएको छ ।
नेपाल सरकारद्वारा सञ्चालित सो कार्यक्रम निःशुल्क सुचारु हुँदा स्थानीय गर्भवती महिलाहरुलाई सहज हुने छ । उक्त कार्यक्रम प्रभावकारी हुने सहभागीले बताए ।
कार्यक्रमका सहभागीहरु ग्रामिण क्षेत्रमा उक्त अस्पतालले महिला र बच्चालाई लक्षित गरी सञ्चालन हुने आमा सुरक्षा कार्यक्रम निशुल्क रुपमा सञ्चालनमा ल्याएको भन्दै खुशी व्यक्त गरेका छन्
आगामी दिनमा यस्ता कार्यक्रमलाई सो अस्पतालले निरन्तरता दिइरहने अस्पताल स्रोतले जनाएको छ ।
विकासको दृष्टिले दुर्गम मानिएको महोत्तरी ४ रामगोपालपुर नगरपालिका ९ पर्सा देवाडमा सो अस्पतालले २४ औं घण्टा एमरजेन्सी र विभागीय सेवाहरु विशेषज्ञ डाक्टरहरुले दिँदै आएको बताइएको छ ।
२०७८ सालमा जनता समाजवादी पार्टीका अध्यक्ष उपेन्द्र यादवले सो अस्पतलाको समुद्घाटन गरेका थिए । त्यसपछि उक्त अस्पतालले निरन्तररुपमा विरामीहरुलाई आवश्यकता अनुसारको सेवा प्रदान गर्दै आइरहेको अस्पतालले जनाएको छ ।