काठमाडौं : अभिनेत्री प्रियंका कार्कीको इन्स्टाग्राम अहिले थाइल्याण्डमा भइरहेका मस्तिका तस्बिरले भरिएका छन्। एक हुल साथी बोकेर थाइल्याण्ड पुगेकी उनी कहिले याच्मा त कहिले समुन्द्री किनारमा मस्तीमा देखिन्छिन्। समूहको तस्विरले उनी अहिले व्याचलर्स पार्टीमा ब्यस्त रहेको देखाउँछ।
उनले एक पोस्टमा आफू चाँडै ब्राइड( दुलही) बन्ने लेखेकीले उनको यो ब्याचलर्स पार्टी हो भन्नेमा कुनै शंका रहेन । उनले करिब २ वर्ष अगाडि नै अभिनेता आयुष्मान देशराज जोशीसँग इन्गेजमेन्ट गरिसकेकी छिन् ।
एकै ब्यक्तिसँग तीन पटक इन्गेजमेन्ट गरेकी उनले २०७६ को प्रारम्भमै विवाह गर्ने संकेत दिए पनि विवाहको घोषणा भने भएन । थाइल्याण्डको फुकेटमा देखिएको उनको बेहुली अवतार र मस्तीले अब उनी आफ्नो एकल यात्रा टुंग्याउने निचोडमा पुगेको देखिन्छ ।
