महाकुम्भ मानिने ऐतिहासिक तथा धार्मिक महत्व बोकेको मिथिला माध्यमिकी परिक्रमालाई धनुषा महेन्द्रनगर स्थित भव्य स्वागत गरिएको छ । धनुषाको मिथिला विहारी नगरपालिका ८ स्थित मिथिला विहारी मन्दिरबाट फाल्गुन ११ गते निस्केको १५ दिने परिक्रमा आइतवार कञ्चनवनमा होली खेली नबैं दिन पर्वता विश्रामको लागी क्षिरेश्वरनाथ नगरपालिका महेन्द्रनगर स्थित रहेको क्षिरेश्वर मन्दिरको दर्शन गरी जाने क्रममा महेन्द्रनगरमा भव्य स्वागत गरिएको छ । एकविहानै निस्किने परिक्रमाको धार्मिक लस्करलाई महेन्द्रनगर बासी प्रतेक साल गर्दै आएको स्वागत कार्यक्रमलाई निरन्तरता दिदैँ खाजाको लागी दहीचुरा, बुनिया खुवाउँदै बाटो हिँडदा क्रममा थकान चोटपटक लागेकालाई निशुल्क औषधी वितरण गरिएको थियो । साथै क्षिरेश्वरनाथ नगरपालिका ५ महेन्द्रनगर दुधमती चौक लगायत विभिन्न ठाउँ ठाउँमा स्थानिय व्यक्तिगत र कलवहरुको सहयोगमा चिया विष्कुट, मिठा, चुरा लगायतले भव्य स्वागत गरिएको देखिएको थियो । साधुसन्त तथा भक्तजनहरु सहितक परिक्रमाबासीलाई स्वागत गर्न क्षिरेशवरनाथ नगरपालिकाका नगर प्रमुख योगेन्द्र पजियार, धनेश्वर साह, क्षिरेश्वर रोयाल्टी परिवार, शशि जयसवाल लगातका व्यक्तिहरुले व्यक्तिगत आ–आफनो तर्फबाट सहयोग गरेको स्थानिय अनिल चौधरीले जनकारी दिनुभयो । परिक्रमाबासी नेपाल र भारतका १५ ठाउँमा विश्राम लिन्छन ।र
