ब्रम्हानन्द ठाकुर
साउन ४, जनकपुरधाम । एक दशक भन्दा बढी समय देखि निरन्तर समाजसेवामा होमिएका समाजसेवी तथा असहाय संरक्षण मंच जनकपुरका अध्यक्ष बैधनाथ साह यतिबेला प्रदेश तथा स्थानीय सरकार सङ्ग अत्यन्तै रुष्ट भएका छन ।
लामो समय देखि आफ्नो घर परिवार भन्दा पनि समाज सेवालाई प्राथमिकता दिदै आएका साहले अहिले सम्म प्रदेश तथा स्थानीय सरकार बाट कुनै किसिमको सहयोग न पाएको भन्दै गुनासो पोखेका छन ।
कोरोना महामारीका कारण लकडाउनको अवधिमा सरकारको उपस्थिति नभएको ठाउँमा सरकार भन्दा पहिले देखि नै खाद्यान्न , मास्क, सेनिटाईजर जस्ता राहत सामाग्री बितरण गर्दै आएका छन । जतिबेला कोरोनाको त्रासले मानिसहरु घर भित्र बस्न बाध्य थिए त्यतिबेला साह र उनका टिमले खाद्यान्नको अभाव भएकाहरुलाई घर घरमै पुगेर खाद्यान्न बितरण गरेका थिए । यस लकडाउनको अवधिमा मात्रै १५ लाख भन्दा बढीको राहत सामाग्री बितरण गरिएको साह बताउछन।
यस अघि असहाय रोगीहरुको नि:शुल्क उपचार , गरीव युवतीहरुको बिबाह, सडकमा भौतारिने सुस्त मनस्थितिहरुको उद्घार, नेपालका विभिन्न शहरहरुमा सरसफाइ जस्ता कार्य गर्दै आएका साहले यस कार्यमा आफुलाई सहयोग गर्नुहुने ब्यक्तिहरुलाई धन्यवाद दिएका छन । साथै उनले समाजसेवालाई अझ प्रभावकारी रुपमा बिस्तार गर्न आफुलाई स्थानीय तथा प्रदेश सरकारबाट अहिलेसम्म कुनै किसिमको सहयोग प्राप्त न भएको बताएका छन ।
आफुले असहाय तथा दीन दु:खीहरुको पीडा नजिकबाट हेर्ने, बुझ्ने हुदा आफुले सहयोग पाएको खण्डमा सरकार भन्दा पनि उत्कृष्ट काम गरेर देखाउने बताएका छन । अहिले पनि ब्यक्तिगत तथा समाजबाटै प्राप्त सहयोगले गरीवहरुको घाउमा मल्हम लगाउदै आएको बताउदै साहले दुखेसो पोखेका छन ।
आफ्नो कामको मुल्यांकन समाजले गरिरहेको भए पनि प्रदेश र स्थानीय सरकारले साथ नदिएको कारण रुष्ट बनेका छन ।
असहायहरुका लागि अब गुरु योजना बनाएर अघि बढ्ने उनको सोचाई रहेकोले सामाजिक कार्यहरुमा प्रदेश र स्थानीय सरकारको सहयोगको उनले अपेक्षा राखेका छन ।
