मरहा खाेलाबाट तस्करहरु बलुवा गिटी उत्खन्न गरिदै

प्रतीक्षा खबर
महोत्तरी, वैशाख ५ गते
अदालतको अपमान गर्दै मध्य रातमा महोत्तरीको मरहा खोलाबाट तस्करहरुले बालुवा–गिटी उत्खन्न गरिरहेका छन् । लकडाउनको मौका छोपेर गैरकानुनी रुपमा क्रसर संचालन गरिरहेका व्यवसायीको आवरणमा रहेका गुण्डाहरुले नदीजन्य पदार्थ तस्करी गरिरहेका हुन् ।
गौशाला नगरपालिकाले लगाएको ठेक्कामा विपक्षीले अदालतमा मुद्धा लागेका थिए । अर्को आदेश नआएसम्म तत्कालकालागि खोला उत्खनन रोक लगाइएको थियो ।
कोरोना भाइरसको महामारीबाट जनतालाई बचाउन प्रहरी–प्रशासन, स्थानीय सरकार व्यस्त रहँदा तस्करीले रातारात खोला अबैध उत्खन्न गरिरहेका छन् ।
लकडाउनमा गरिवहरु भोकभोकै भएको बेला तस्करहरु प्राकृतिक स्रोतको तस्करी गरिरहेका छन् । अबैध कार्यको रिपोटिङ्ग गर्न गएका अन्नपूर्ण पोस्ट्का राजकरण महतो र उनका क्यामरा पर्सन विवेक महतोलाई तस्करहरुले लटेका छन् ।
नदी उत्खननको फोटो÷भिडियो खिच्दा तस्कार र क्रसर संचालकहरुले पालेका गुण्डाहरुले पत्रकारलाई घेरेका थिए । अवस्था गम्भिर बन्दै गएपछि उनीहरु झुक्याएर घेराबन्दीबाट भागेका थिए । दुई वटा मोटरसाइकल चढेका चार जनाले लखेट्न थालेपछि पत्रकार महतो मोटरसाइकल भगाएर गौशाला– ८ बेलगाछीस्थित खाल्टे बजार पुगेर इलाका प्रहरी कार्यालय गौशालालाई फोन गरेर गुहार मागेका थिए ।
इन्स्पेक्टर प्रकाश रेग्मीको टोली पत्रकारलाई सुरक्षा दिन खाल्टे बजार पुगेका थिए । पत्रकार महतो र क्यामरा पर्सनलाई प्रहरीले आफ्नै भ्यानमा राखेर खोला पुग्दा तस्करहरु क्रसरमा सवारीसाधन थन्काएर फरार भएका थिए ।
एक करोंड १५ लाखमा महरा खोलाको ठेक्का गौशाला नगरपालिकाले गत फाल्गुणको पहिलो साता ठेक्का लगाएको थियो । अनिष कन्ट्रक्सन जनकपुर–४ को पोल्टामा ठेक्का परेको थियो ।
प्रक्रिया पुरा नगरिकन ठेक्का लगाएको भन्दै अदालतमा विपक्षिले मुद्धा हालेका थिए ।
सूचना अधिकारी रञ्जित कुमार बर्माका अनुसार, अदालतमा मुद्धा परेपछि खोला उत्खन्न रोकेका छौ । प्रहरी–प्रशाजन, ठेक्केदारलाई त्यसको जानकारी पठाइएसकिएको छ ।
‘अदालतको निर्णय आएपछि मात्र खोला खन्न ठेक्केदारलाई भनेका थियौं,’ गौशाला नगरपालिकाका मेयर शिवनाथ महतोले भने ।
नेपाल पत्रकार महासंघ महोत्तरीका अध्यक्ष कमलेश मण्डलले अवैध कामको रिपोटिङ्ग गर्न गएका पत्रकारहरुलाई धम्काउनु लेखनु प्रेस स्वतन्त्रता विरोध कार्य भएको बताए । तुरुन्त अबैध कामको बन्द गराई पत्रकारहरुलाई धम्काउने र लखेनेको खोजी गरेर कारवाही गर्न उनले प्रहरी प्रशासनसंग माग गरेका छन् ।
सभार टुडेपाटी